Ապրիլյան պատերազմի զոհերի և կորոնավիուսից մահացածների միջև անհարկի համեմատություններ են արվում
Հասարակություն
Ապրիլյան մարտական գործողությունների մասնակիցների միության ֆեյսբուքյան էջում գրված է.
«Սիրելի հայրենակիցներ,
Ամենայն հարգանքով բոլորի նկատմամբ, սակայն ունենք մի դիտարկում որոշակի շրջանակների համար:
Ցավով պետք է նշենք, որ վերջերս COVID-19-ով պայմանավորված ֆեյսբուքյան տիրույթում հայտնվել են գրառումներ, որոնք անհարկի շահարկում են Ապրիլյան մարտական գործողությունների մեր անմահ նահատակներին և անհասկանալի, անտեղի ու անհարկի համեմատություններ, զուգահեռներ են անցկացվում նրանց և կորոնավիրուսից մահացածների միջեւ: Կարծես թե, փորձ է արվում քաղաքականցնել մեր զոհերի սուրբ հիշատակը։
Մենք՝ ապրիլյան մարտական գործողությունների մասնակիցներս, խիստ մտահոգված ենք այս շահարկումների առնչությամբ եւ կոչ ենք անում բոլորին, ովքեր իրենց գրառումներում ցանկություն ունեն որեւէ կերպ զուգահեռներ անցկացնել 2016 մարտական գործողությունների եւ COVID-19-ի միջեւ, զե՛րծ մնալ նման ձեւակերպումներից, չշահարկել մեր ննջեցյալների սուրբ հիշատակը։
Հետեւե՛ք ձեր եւ ձեր ընտանիքի առողջությանը, եղեք առողջ,
Հարգանքով
Ապրիլյան մարտական գործողությունների մասնակիցների միություն»:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
