Վերջին երկու օրերին հակահամաճարակային կանոնների պահպանման որոշակի դրական դինամիկա է արձանագրվում. Փաշինյան

Մենք գոհունակությամբ արձանագրում ենք, որ վերջին երկու օրերին հակահամաճարակային կանոնների պահպանման որոշակի դրական դինամիկա է արձանագրվում: Այս մասին ճեպազրույցում ասաց վարչապետ Նիկոլ Փաշինյանը՝ նշելով, որ հակահամաճարակային գործողությունները, օրինակ, դիմակ կրելը, իրենց արդյունքը կարող են տալ ամենաշուտը մեկ շաբաթից, որովհետև հիվանդության հնարավոր ամենակարճ ինկուբացիոն փուլը համարվում է 7 օրը։

«Մենք ամենօրյա ռեժիմով քննարկումներ ենք ունենում, և կայացնում ենք այնպիսի որոշումներ, որոնք մաքսիմալ համապատասխանում են ՀՀ անվտանգության, տնտեսական, առողջապահական շահերին։ Եվ մեր խնդիրը ոչ միայն համաճարակային այս իրավիճակը հաղթահարելն է, այլ այս իրավիճակի հաղթահարման պահին ՀՀ տնտեսության, սոցիալ-տնտեսական իրավիճակի և այլ պարամետրերով երկիրը առավելագույնս լավ վիճակում տեսնելն է։ Այս պրոցեսի մեջ, բացի ընթացիկ սոցիալ-տնտեսական խնդիրներից, մենք դնում ենք նաև քաղաքակարթական խնդիրներ, որոնք հույս ունենք, որ ճգնաժամային իրավիճակի հաղթահարման արդյունքում կունենանք։ Մեր կոչը՝ հակահամաճարակային շարժում ստեղծելու, նույնպես որոշակի արձագանք է ստացել, և ես հույս ունեմ, որ կձևավորվեն կամավորների մաքսիսում երկու հոգանոց խմբեր, ովքեր հակահամաճարակային կանոնները պահպանելով՝ մեր մյուս քաղաքացիներին կաջակցեն ու կքաջալերեն այդ կանոնները պահպանել»- ասաց նա։