Գագիկ Խաչատրյանի և իր եղբորորդու գործը դատարանում է

ՀՀ Ֆինանսների նախկին նախարար Գագիկ Խաչատրյանի և վերջինիս եղբորորդու՝ Կարեն Խաչատրյանի վերաբերյալ քրեական գործը դատարանում է։ Քրեական գործը մակագրվել է Երեւան քաղաքի ընդհանուր իրավասության դատարանի Կենտրոն նստավայրի դատավոր Արթուր Մկրտչյանին։

Նշենք, որ Գագիկ Խաչատրյանն ու Կարեն Խաչատրյանը կալանավորված են։

Գագիկ Խաչատրյանին մեղադրանք է առաջադրվել  ՀՀ ՔՕ 308-րդ հոդվածի 2-րդ մասի 3-րդ կետով (պաշտոնեական լիազորությունները չարաշահելը, որն անզգուշությամբ առաջացրել է ծանր հետեւանքներ), 179-րդ հոդվածի 3-րդ մասի 1-ին կետով (յուրացնելը կամ վատնելը` առանձնապես խոշոր չափերով), 38-179-րդ հոդվածի 3-րդ մասի 1-ին կետով, 311-րդ հոդվածի 4-րդ մասի 2-րդ կետով (կաշառք ստանալը), 38-190-րդ հոդվածի 3-րդ մասի 1-ին կետով եւ 314-րդ հոդվածի 1ին-մասով (պաշտոնեական կեղծիք):

Կարեն Խաչատրյանին մեղադրանք է առաջադրվել  ՀՀ ՔՕ 179-րդ հոդվածի 3-րդ մասի 1-ին կետով (յուրացնելը կամ վատնելը` առանձնապես խոշոր չափերով) եւ 314-րդ հոդվածի 1-ին մասով (պաշտոնեական կեղծիք):