Gucci-ի հիմնադիր Գուչիի ծոռը հայտնել է, որ ինքը 6 տարեկանից սեռական բռնության է ենթարկվել խորթ հոր կողմից․ The New York Times

Գուչիո Գուչիի ծոռը` Ալեքսանդրա Զարինին, դատական ​​հայց է ներկայացրել Լոս Անջելեսում ընտանիքի երեք անդամների դեմ, գրում է The New York Times֊ը։ Վերջին հինգ տարիների ընթացքում Gucci անունը հոմանիշ է հաջողության՝ նորաձևության նոր անվանում, որն օգնել է շքեղ արդյունաբերությունը վերափոխել դեպի ներառականություն և ստեղծագործական նոր մոտեցում: Սակայն բրենդ ստեղծած այս ընտանիքն ունի ավելի բարդ, մութ անցյալ, որը ներառում է հարկերից խուսափելը, սերունդների հետապնդումները և սպանությունները: Այս շաբաթ այդ ցուցակին ավելացել է ևս մեկը: Ալեքսանդրա Զարինին՝ Ալդո Գուչիի 35-ամյա ծոռը հայց է ներկայացրել Լոս Անջելեսի Կալիֆոռնիայի Գերագույն դատարան: Դրանում նա նկարագրում է իր նախկին խորթ հոր՝ Ժոզեֆ Ռուֆալոյի կողմից իր՝ սեռական բռնության ենթարկվելու տարիները և մոր՝ Պատրիսիա Գուչիի ու տատիկի՝ Բրունա Պալոմբոյի մեղսակցությունը և կոծկումը: Ըստ այդ փաստաթղթերի՝ Ռուֆալոն սկսել է բռնություններ գործադրել Զարինիի նկատմամբ, երբ նա ընդամենը մոտ վեց տարեկան էր, և դա շարունակվել է մինչև 22 տարեկանը: Հայցը պնդում է նաև, որ նրա մայրը՝ Պատրիսիա Գուչին, և նրա տատը տարիներ շարունակ իմացել են բռնության մասին, և որ մայրը ոչ միայն չի բողոքարկել, այլ նաև թույլ է տվել նրան մերկ տեսանկարահանել լոգարանում և պարբերաբար հարվածել: Բացի այդ, հայցում նշվում է, որ այդ երկու կանայք սպառնացել են նրան, որպեսզի նա լուռ մնա: Եվ այժմ, երբ Զարինին ինքն արդեն երեխաներ ունի, որոշել է հայց ներկայացնել նրանց դեմ։ Գուչիների գործն այժմ դատարանում է։