Չեղարկվել է Ս. Գևորգ եկեղեցու տարեկան եռօրյա ուխտագնացությունը. Թեհրանի թեմի առաջնորդարան

Չեղարկվել է Ս. Գևորգ եկեղեցու տարեկան եռօրյա ուխտագնացություն կորոնավիրուս համաճարակի պատճառով: Այդ մասին հայտնում է Թեհրանի թեմի առաջնորդարանը:

Ըստ հաղորդագրության՝ 12 սեպտեմբեր 2020 թւականին, Թեմիս Առաջնորդ՝ Գերշ. Տ. Սեպուհ Ս. Արք. Սարգսեանը իր գրասենեակում ընդունեց Ս. Գէորգ եւ Ս. Թադէոս Բարդուղիմէոս եկեղեցինների խորհրդի անդամներին:

Այցելութեան հիմնական նպատակն էր Ս. Գէորգ եկեղեցու անւանակոչութեան տօնի ու եռօրեայ ուխտագնացութեան հետ կապւած հարցերի քննարկումը:

Սրբազան Հայրը գնահատեց խորհրդի նախանձախնդրութիւնը եկեղեցական տօնակատարութիւնների եւ աւանդութիւնների ուղիղ եւ ճշգրիտ կատարման առնչութեամբ եւ միաժամանակ բացատրեց երկրի մէջ եւ ընդհանրապէս ամբողջ աշխարհում կորոնաժահր համաճարակի բերումով ստեղծւած անբնական իրավիճակը, որի հետեւանքով մեր կեանքը իր բոլոր բնագաւառներով հիմնական փոփոխութիւնների է ենթարկւած: Արդարեւ այս պայմաններում մեր կրօնական խորհուրդը իր վերջին նիստում որոշում ընդունեց այս տարի չեղեալ համարել Ս. Գէորգ զօրավարի տօնի առիթով կազմակերպւելիք ուխտագնացութիւնը եւ մատաղի օրհնութիւնը:

Սրբազան հայրը իր խօսքերում ասաց՝ «Ցաւ է մեզ համար այս երեւոյթը, բայց մեր ժողովրդի առողջութիւնը եւ ֆիզիքական ապահովութիւնը ամէն բանից վեր է»: