Ոստիկանների կողմից ծանրամարտիկին խոշտանգելու ենթադրյալ դեպքի առթիվ ՀՔԾ-ում քրգործ է հարուցվել

Ծանրամարտի միջազգային կարգի սպորտի վարպետ, միջազգային կարգի մրցավար Արմեն Ղազարյանի եւ ոստիկանների միջեւ տեղի ունեցած դեպքի առթիվ ՀՔԾ-ում հարուցվել է քրեական գործ: Այս մասին ԼՈւՐԵՐ․com-ին հայտնեցին ՀՀ հատուկ քննչական ծառայության մամուլի խոսնակ Մարինա Օհանջանյանը։

«ՀՀ հատուկ քննչական ծառայությունում ստացված հաղորդումների առթիվ նախապատրաստված նյութերի հիման վրա 2020 թվականի սեպտեմբերի 17-ին ՀՀ քրեական օրենսգրքի 309.1-րդ հոդվածի 2-րդ մասի 1-ին և 4-րդ կետերով հարուցվել է քրական գործ` ոստիկանության մի խումբ պաշտոնատար անձանց կողմից ոստիկանության Նոր Նորքի բաժնում երկու անձանց խոշտանգելու առերևույթ հանցագործության դեպքի առթիվ»,- ասաց նա:

ՀՔԾ-ց փոխանցեցին նաև, որ հիշյալ անձինք քրեական գործով տուժող են ճանաչվել: