Դատավոր Արտուշ Գաբրիելյանն ինքնաբացարկ է հայտնել․ նա չի քննի Աշոտ Երկաթի խափանման միջոցի հարցը. «Փաստինֆո»
Իրավունք
Երևանի ընդհանուր իրավասության դատարանի դատավոր Արտուշ Գաբրիելյանը չի քննի «Սիսական» ջոկատի լեգենդար հրամանատար Աշոտ Մինասյանի՝ Աշոտ Երկաթի նկատմամբ կալանավորումը որպես խափանման միջոց ընտրելու մասին ԱԱԾ քննիչի միջնորդությունը։ Դատավորի աշխատակազմից «Փաստինֆո»-ի հետ զրույցում հաստատեցին տեղեկությունն առ այն, որ դատավոր Արտուշ Գաբրիելյանն ինքնաբացարկ է հայտնել։
Հիշեցնենք, որ լեգենդար հրամանատարը ձերբակալվել էր նոյեմբերի 13-ին՝ ՀՀ քրեական օրենսգրքի 35-300-րդ հոդվածի 1-ին մասի՝ իշխանության յուրացման և 35-305-րդ հոդվածի՝ պետական, քաղաքական կամ հասարակական գործչի գործունեությունը դադարեցնելու նպատակով սպանության նախապատրաստման և 235-րդ հոդվածի՝ ապօրինի զենք զինամթերք պահելու կասկածանքով, ապա նույն հոդվածներով մեղադրանք առաջադրվել ու կալանավորելու միջնորդություն ներկայացվել, ինչը մակագրվել էր դատավոր Արտուշ Գաբրիելյանին:
Երեկվա դատական նիստում դատախազ Ազատ Մարգարյանն ինքնավացարկի միջնորդություն էր ներկայացրել դատարանին` հայտարարելով, որ հիմքերը կան «Գուգլում»։
Ինքնաբացարկի միջնորդությունը քննարկելուց հետո դատարանը հեռացել է խորհրդակցական սենյակ՝ որոշում կայացնելու, իսկ երեկ՝ ժամը 19։10-ին Աշոտ Մինասյանն ազատ է արձակվել՝ ձերբակլաման ժամկետը՝ 72 ժամն ավարտվելուց հետո։
Այդուհանդերձ Երևանի ընդհանուր իրավասության դատարանը՝ դատավոր Արտուշ Գաբրիելյանի նախագահությամբ, վերադառնալով խորհրդակցական սենյակից, որոշել է բավարարել դատախազի կողմից ներկայացրած միջնորդությունը և ինքնաբացարկ հայտնել։
Նշենք, որ սույն գործով ի սկզբանե ձերբակալված բոլոր անձինք ազատ են արձակվել, իսկ կալանավորման միջնորդությունները՝ մերժվել։ Այսպես՝ ձերբակալվել էին «Հայրենիք» կուսակցության նախագահ Արթուր Վանեցյանը, ՀՀԿ-ական գործիչ Վահրամ Բաղդասարյանը, «Սիսական» ջոկատի հրամանատար Աշոտ Մինասյանը և նույն ջոկատի կամավոր, ՀՅԴ անդամ Աշոտ Ավագյանը։
«Փաստինֆո»-ի հաղորդմամբ` Արթուր Վանեցյանին, Վահրամ Բաղդասարյանին և Աշոտ Ավագյանին կալանավորելու միջնորդությունները մերժվել են, իսկ Աշոտ Մինասյանի կալանավորման հարցը դեռ քննարկվում է, դատավորի ինքնաբացարկից հետո այն այլ դատավորի կմակագրվի:
ՈՒՂԻՂ ԵԹԵՐ
Ամենադիտված 
«Լևոն արքայի» նկատմամբ որպես խափանման միջոց է ընտրվել տնային կալանքը (տեսանյութ)
