Հայտնի է օրենքով գող Յապոնչիկի սպանության դրդապատճառը

ՌԴ Քննչական կոմիտեի ղեկավարի տեղակալ Ռոստիսլավ Ռասոխովը «Կոմերսանտին» տված հարցազրույցում անվանել է օրենքով գող Վյաչեսլավ Իվանկովի՝ Յապոնչիկի սպանության դրդապատճառը:
«Իվանկովի սպանության հիմնական դրդապատճառը հանցագործության կազմակերպիչ, օրենքով գող Իլյա Սիմոնիայի՝ Մախոյի անձնական հակակրանքն էր նրա նկատմամբ», - ասել է նա: Ռասոխովի խոսքով՝ հանցագործների պարագլուխների միջև հակամարտությունը սկսվել է 1980-ականներին, երբ նրանք պատիժ էին կրում Իրկուտսկի շրջանի գաղութում: Քննչական կոմիտեի ղեկավարի տեղակալը հավելել է, որ իրենք չեն կարողացել սպանությունը պարզել թեժ փուլում մեծ մասամբ տեխնիկական անկատար միջոցների պատճառով: Հնարավոր եղավ գտնել կասկածյալներին շատ ավելի ուշ, ի միջի այլոց, ժամանակակից դատաբժշկական գործիքների և մոլեկուլային գենետիկայի հնարավորությունների շնորհիվ: 2009-ի հունիսի վերջին Իվանկովը դիպուկահարի կողմից ծանր վիրավորվեց։ Մի քանի ամիս անց նա մահացավ:
2020-ի փետրվարին դատարանը կալանքի տակ էր առել այս գործով մեղադրյալներից մեկին՝ Մուրթազ Շադանիային։ Սպանության գործով մեկ այլ հանցակից է Կախա Գազզաևը, որը բազմիցս դատապարտվել է: 2017 թվականից նա պատիժ է կրում մեկ այլ հանցանքի համար: