«Հիմա խուզարկություն է». ԱԱԾ-ն Վարդան Այվազյանի տանն ու գրասենյակում է

ԱԱԾ-ն այս պահին խուզարկում է ՀՀԿ-ական նախկին պատգամավոր Վարդան Այվազյանի տունն ու  գրասենյակը:

ԼՈՒՐԵՐ.com-ի հետ զրույցում Վարդան Այվազյանն ասաց. «Հիմա խուզարկություն է, մի զանգեք»:

Այվազյանի փաստաբան Միհրան Պողոսյանն էլ իր ֆեյսբուքյան էջում գրել է. «Իշխանության տվայտանքներն ու գործիքակազմը. հենց այս պահին, թուրքին ևս 100 մետր տարածք տալու համար, իշխանությունն ի դեմս ԱԱԾ֊ի խուզարկություն է իրականացնում բնապահպանության նախկին նախարար Վարդան Այվազյանի բնակարանում` հույս ունենալով, որ այդ կերպ կլռեցնի այս դավադրության դեմ բարձրաձայնողներին։ Չի ստացվելու, չենք լռելու...», - գրել է պաշտպանը:

Նշենք, որ խուզարկությունն իրականացվում է այն պատճառաբանությամբ, թե իբրև Վարդան Այվազյանը հանդիսանում է նոյեմբերի 10-ին տեղի ունեցած ցույցերի կազմակերպիչ:

Սոնա Հարությունյան