"Musk factor"-ը հաճելիորեն կզարմացնի բոլոր կինոսերներին

Լրատվամիջոցներում արդեն շրջանառվել է տեղեկություն` Netflix հեղինակավոր կինոդիստրիբյուտորի համար հայկական տեխնոլորտի մասին տեղում մի քանի մասից բաղկացած ֆիլմ նկարահանելու հնարավորության մասին։ Ընկերությունը նախնական համաձայնություն է տվել սցենարին, իսկ ֆիլմի ստեղծողները որոշել են մեկտեղել Հայաստանի ստարտափ էկոհամակարգի ողջ ներուժն ու ցույց տալ աշխարհին` ինչի է ընդունակ հայկական տեխնոմիտքը։ Ֆիլմի տեխնիկական և դերասանական կազմը մինչ օրս հանրությանը չեն ներկայացվել, բայց պրոդյուսերը խոստացել է` անակնկալներ են լինելու։ Մեր տեղեկություններով՝ հայկական ընկերության կողմից նկարահանվող գիտաֆանտաստիկ ժանրի սերիալի մեկ էպիզոդի արժեքը գերազանցում է մեկ միլիոն դոլարը։ Փորձագետների դիտարկմամբ` այսպիսի բյուջեով հնարավոր է ֆիլմում ներգրավել աշխարհահռչակ դերասանների ու կինոարտադրողների։ Ֆիլմի գլխավոր պրոդյուսեր Ռաֆայել Թադևոսյանից պարզել ենք` միջազգային կինոսերներին հայտնի դերասաններ կլինեն ֆիլմում, արդյոք բյուջեն այդ շռայլությունը թույլ կտա։ Պրոդյուսերի խոսքով` հայությունը հաճելիորեն կզարմանա։ Հավանական է, որ Հայաստանի տեխնոլոգիական ոլորտը հնարավորինս ներկայացնող գիտաֆանտաստիկ սերիալում տեսնենք "Գահերի խաղը" ֆիլմաշարի թոփ-դերասաններից մի քանիսին։ Ռաֆայել Թադևոսյանը ստեղծագործական կազմի մասին խոսելիս խորհրդավոր ժպտում է։ Անուններ չի տալիս, բայց վստահեցնում է` "Musk factor"-ը հաճելիորեն կզարմացնի բոլոր կինոսերներին։