Երևանում 30-ամյա ծննդկան է մահացել․ փոքրիկի մոտ ամեն բան լավ է
Հասարակություն
Երևանի ծննդատներից մեկում երեկ՝ մայիսի 6-ին, 30-ամյա ծննդկան է մահացել: Այս մասին ԼՈՒՐԵՐ․com-ի հետ զրուցում հայտնեց Առողջապահության նախարարի մամուլի խոսնակ Հռիփսիմե Խաչատրյանը։
«Մայրական մահացության դեպք է եղել, ցավոք։ Բժիշկներն արել են հնարավորինը փրկելու համար, բայց չի հաջողվել»,- ասաց նա՝ նշելով, որ մահվան պատճառը հետծննդաբերական շրջանում առաջացած պրեէկլամպսիան է:
Նա նշեց, որ կնոջ երկրորդ հղիութունն է եղել, երեխան լույս աշխարհ է եկել կեսարյան հատման միջոցով, 36 շաբաթականում․ «Փոքրիկի մոտ ամեն բան լավ է, առողջական որևէ խնդիր չունի»,- նշեց Խաչատրյանը։
Նշենք, որ պրեէկլամպսիան հղիության ժամանակ հանդիպող վտանգավոր վիճակ է, որը բնութագրվում է զարկերակային գերճնշումով և հաճախ մեզում սպիտակուցի զգալի քանակությամբ։
Հավելենք նաև, որ կնոջ մահվան մասին հայտնել է նաև «Բի Էս Սի» բիզնեսի աջակցման կենտրոնի անձնակազմը՝ ֆեյսբուքյան էջում ցավացություն հայտնելով գործընկերոջ մահվան համար։
Մեր Մերին․․․ էլ մեզ հետ չէ․․․ ։( :( :( Սարսափելի լուր, որը մինչև հիմա չենք կարողանում ընդունել, հասկանալ,...
Posted by BSC Business Support Center on 2021 թ. մայիսի 6, հինգշաբթի
ՈՒՂԻՂ ԵԹԵՐ
Ամենադիտված 
Նորայրը մեկնել էր հանգստի, արդեն վերադառնում է. նոր մանրամասներ՝ ողբերգական դեպքից
