Շատ լավ թուղթը կլինի այն, որ մեր ռազմագերիները հետ գան. Բորիս Ավագյան
Հասարակություն
Գերիների հարցով Ռուսաստան՝ բանակցելու, պետք է ուղարկեին ԱԱԾ տնօրենին ու ՊՆ-ից այլ մարդու, մինչդեռ ուղարկել են մի անձի, որի՝ սահմանագծման հարցով բանակցությունների արդյունքում նոր գերիներ ենք ունենում: Այս մասին այսօր լրագրողների հետ զրույցում նշել է ԱՀ ԱԻՊԾ նախկին փոխտնօրեն Բորիս Ավագյանը։
Նա հայտնել է, որ ադրբեջանական կողմից Ռուսաստան բանակցելու է գնացել Իլհամ Ալիևի աջ ձեռքը՝ Սուլթանովը, մինչդեռ հայկական կողմից մեկնել են մարդիկ, որոնք սահմանագծման հարցում երկու շաբաթ չկարողացան բանակցությունների գնալ:
«Կան բազմաթիվ ծնողներ, որոնք ստույգ տեղեկություններ ունեն, թե որտեղ են գտնվում իրենց երեխաները։ Փաստեր կան դրանց վերաբերյալ: Ո՞վ է զբաղվում այդ ամենով»,-նշել է Ավագյանը։
Բանակցությունների օրակարգում, ըստ նրա, և սահմանագիծն է, և անհայտ կորածներն ու ռազմագերիները:
«Իշխանությունը ասում է՝ շատ լավ թուղթ է ստորագրվելու: «Շատ լավ թուղթ»-ը այն է, որ ստորագրես, մեր երեխաները վերադառնան, ուրիշ լավ թուղթ չկա»,- ասել է նա:
ՈՒՂԻՂ ԵԹԵՐ
Ամենադիտված 
Նորայրը մեկնել էր հանգստի, արդեն վերադառնում է. նոր մանրամասներ՝ ողբերգական դեպքից
