Բեյրութցին պատանդ է վերցրել բանկի աշխատակիցներին՝ իր գումարը ստանալու համար
ԱյլԼիբանանում տեղի զինված բնակիչը հարձակվել է բանկի վրա և պատանդ վերցրել աշխատակիցներին։ Այս մասին հայտնում է Al Jazeera-ն։
Միջադեպը տեղի է ունեցել Բեյրութի Դաշնային բանկում։ Տղամարդը բենզինի տարան ձեռքին մտել է բանկ, նախազգուշական երեք կրակոց արձակել ու պատանդ վերցրել մի քանի աշխատակցի։
Միաժամանակ հարձակվողը տարիքի պատճառով ազատ է արձակել թոշակառուին, ով գտնվում էր տարածքում։ Բանկի հաճախորդներից մի քանիսին հաջողվել է փախչել մինչ դռները փակվել են։
Հարձակվողի հարազատներից մեկի խոսքով՝ լիբանանցին ցանկացել է իր հաշվից գումար հանել հոր բուժման ծախսերը հոգալու համար, սակայն չի կարողացել դա անել արժութային սահմանափակումների պատճառով: Նրա հաշվի վրա սառեցվել է մոտ 200 հազար դոլար։
Հարձակվողի հետ բանակցությունները տեւել են մի քանի ժամ։ Արդյունքում նրան խոստացել են, որ իր հաշվից թույլ կտան 30 հազար դոլար, որից հետո հարձակվողն ազատել է պատանդներին ու հանձնվել իրավապահներին։