Ամուսնացած չինուհին միաժամանակ հանդիպել է 18 տղամարդու հետ և նրանցից գումար շորթել

Չինաստանում 29-ամյա տեղացի կինը միաժամանակ հանդիպել է 18 տղամարդու հետ և նրանցից շորթել ավելի քան 2 միլիոն յուան։ Այս մասին հայտնում է South China Morning Post-ը։

Ամուսնացած կինն իր հանցավոր գործունեությունը սկսել է 2017թ.: Նա ծանոթացել է զոհերի հետ, սիրահետելով նրանց` նույնիսկ նախահարսանեկան ֆոտոշարքեր է անցկացրել։

Դրանից հետո չինուհին նրանցից գումար է պահանջել՝ պատճառաբանելով, որ իրեն անհրաժեշտ է օգնել հորը, ով իբր հիվանդ է քաղցկեղով։ Մյուս փաստարկը եղբորորդուն բանտից հանելու անհրաժեշտությունն էր կամ եղբայրը տուն գնելու համար գումար է խնդրել։

Խաբված տղամարդկանցից ոմանք նույնիսկ վարկեր են վերցրել։ Որոշ ժամանակ առաջ խարդախը բացահայտվել է. նա տուժողներից մեկին խնդրել է հանդես գալ որպես իր եղբայր՝ մեկ այլ տղամարդուց ազատվելու համար։ Նա, իբր, հետապնդել է իրեն չվճարված հարկերի պատճառով: Իրականում, նա չինուհուն մոտ 900 հազար յուան պարտք էր տվել։

«Տղամարդն ինձ հարցրեց, թե երբ կարող ենք վերադարձնել իրեն գումարը։ Նրա խոսքով՝ ինքը բավարար միջոցներ չի ունեցել, իսկ տունն արդեն վաճառել է։ Ես անմիջապես կասկածեցի, որ նա ինչ-որ բան է թաքցնում։ Ինչպե՞ս կարող է լինել, որ մարդը, ով ուրիշներից հարկ է պահանջում, վաճառել է իր տունը»,- ասել է կնոջ եղբայր ձևացած տղամարդը:

Խարդախին բացահայտելու համար նա պահանջել է հանդիպում նրա ծնողների հետ՝ քննարկելու հարսանիքը։ Երբ կինը հրաժարվել է, նա զանգահարել է իրավապահներին։