Նյու Յորքում անհայտ անձը դասախոսության ժամանակ դանակահարել է բրիտանացի գրող Սալման Ռուշդիին (տեսանյութ)
ՏեսանյութերՆյու Յորքում դասախոսության ժամանակ հարձակման է ենթարկվել գրող Սալման Ռուշդին։ Այս մասին հայտնում է Associated Press-ը։
Լրատվականի թղթակիցը ականատես է եղել, թե ինչպես է անհայտ անձը բարձրացել Չատոկուա ինստիտուտի բեմ, այնուհետև սկսել է դանակով հարվածել հեղինակի պարանոցին: Նշվում է, որ հարձակվողին բռնել են, իսկ Սալմանին ուղղաթիռով տեղափոխել են հիվանդանոց։
Ինչպես գրում է Daily Mail-ը, Ռուշդին պետք է դասախոսություն կարդար այն մասին, թե ինչպես է ԱՄՆ-ը դառնում ինքնարտահայտման վայր և ապաստարան վտարանդի արվեստագետների համար:
Սալման Ռուշդին բնիկ Բոմբեյից է և ապրում է Մեծ Բրիտանիայում ու ԱՄՆ-ում: Համաշխարհային համբավը նրան հասավ 1989 թվականին՝ «Սատանայական հատվածներ» գրքի թողարկումից հետո։ Շատ մուսուլմաններ վեպը սրբապղծություն են անվանել, իսկ Իրանի հոգեւոր առաջնորդ Ալի Խամենեին ֆեթվա է հրապարակել, որտեղ գրողի սպանությունն անվանել է բարեգործություն:
ՈՒՂԻՂ ԵԹԵՐ
Ամենադիտված 
«Սա արդեն իսկական պատերազմի սկիզբ է»․ Լավրովը զգուշացրել է 
