Լողորդը հայտնվել է վերակենդանացման բաժանմունքում՝ կոկորդիլոսի հարձակումից հետո

ԱՄՆ-ում տղամարդը վերակենդանացման բաժանմունքում է հայտնվել այն բանից հետո, երբ նրա վրա կոկորդիլոս է հարձակվել, գրում է New York Post-ը։ Դեպքը տեղի է ունեցել, երբ տուժողը լողում էր լճում։

Կոկորդիլոսի զոհը 34-ամյա Խուան Կառլոս Լա Վերդեն է՝ ԱՄՆ ռազմաօդային ուժերի վետերան, ով Ֆլորիդայում աշխատում է որպես հրշեջ։ Տղամարդը պատրաստվում էր մրցույթին և լողում էր լճում, երբ նրա վրա հարձակվեց գիշատիչը։ Ականատեսները պատմել են, որ ամերիկացուն հաջողվել է պայքարել կոկորդիլոսի դեմ և հասնել ափ։

Միջադեպի արդյունքում Խուան Կառլոսը գլխի և դեմքի լուրջ վնասվածքներ է ստացել։ Տղամարդը վեց ժամ տեւած վիրահատության է ենթարկվել, որից հետո տեղափոխվել է վերակենդանացման բաժանմունք։ Վերդեի ընտանիքը հայտնել է, որ նա ապաքինվում է, սակայն լիարժեք ապաքինումը դեռ շատ հեռու է:

«Այժմ նա կարող է ինքնուրույն խոսել և շնչել»,- ասել է տուժողի ընկերը։

Ֆլորիդայի ձկների և վայրի բնության պահպանության հանձնաժողովը կոկորդիլոսի հարձակումից հետո որսորդին ուղարկել է լիճ՝ սողունին հետևելու համար: Բացի այդ, ոստիկանությունը նույնպես հետաքննություն է սկսել դեպքի առնչությամբ։

Այս թեմայով Կոկորդիլոսը մտել է տուն և ողջ գիշերն անցկացրել քնած մարդու մահճակալի տակ Կոկորդիլոսին կասկածում են ձկնորսի առեղծվածային անհետացման մեջ Կոկորդիլոսը լողափում պառկած շանը քարշ է տվել ջրի տակ և տեսագրվել Համարձակ կինը փրկել է ամուսնուն կոկորդիլոսի երախից Տղամարդը կոկորդիլոսի ձվեր հավաքելիս հայտնվել է կոկորդիլոսի երախում