Սեքսապաթոլոգը բացատրել է սեքսի առավելությունը շոկոլադի նկատմամբ
ԱյլԿինը ավելի շատ էնդորֆին է ստանում մտերմությունից, քան մեկ սալիկ շոկոլադ ուտելուց, ասել է սեքսապաթոլոգ Եվգենի Կուլգավչուկը։ «Երեկոյան Մոսկվային»-ին տված հարցազրույցում նա նշել է սեռական հարաբերությունների բոլոր առավելությունները քաղցր ուտեստների նկատմամբ։
Մասնագետը կանանց խորհուրդ է տվել չհրաժարվել սեքսից՝ հօգուտ շոկոլադի, քանի որ դրանով զբաղվելը շատ ավելի հաճելի ու շահավետ է։ Նրա խոսքով՝ սեռական հարաբերության ժամանակ մարդու մոտ առաջանում է զգացում, որ նշանակալի է ու սիրված, ու հորմոնների մի ամբողջ համալիր է արտադրվում, որը դրականորեն է ազդում էմոցիոնալ վիճակի վրա։ «Սեքսի մեջ ավելի շատ հորմոններ են ներգրավված՝ օքսիտոցինից (որը տալիս է մտերմության, անվտանգության զգացում) մինչև սերոտոնին ( երջանկություն և հանգստություն) և ադրենալին (նվաճում, հուզմունք և վտանգ): Իսկ դոֆամինը էներգիա է տալիս », - ասել է Կուլգավչուկը:
Միաժամանակ սեքսապաթոլոգը նշեց, որ բոլոր մարդիկ տարբեր նախասիրություններ ունեն, իսկ շոկոլադը նույնպես կարող է հաճույքի աղբյուր դառնալ։ Այնուամենայնիվ, նրանք, ովքեր անընդհատ ընտրում են քաղցր հյուրասիրությունը մտերմության փոխարեն, պետք է լրջորեն մտածեն և հասկանան նման պահվածքի պատճառները, շարունակել է նա։ Ըստ Կուլգավչուկի՝ հավանական է, որ սննդի օգնությամբ մարդը պարզապես փորձում է նվազեցնել սթրեսի և անհանգստության մակարդակը։