Ինքնափիառի ՔՊ-ական «արքաները». երբ գործերը լռում են

Հայաստանում պետական պաշտոնյաների փիառը նոր ռեկորդներ է խփում: ՔՊ-ական չինովնիկները, մեկը մյուսին հերթ չզիջելով, փորձում են ի ցույց դնել, թե ինչ տիտանական և ազգանվեր աշխատանք են կատարում, սակայն, իրականում, ավելի խորը ուսումնասիրության դեպքում պարզ է դառնում, որ այդ տիտանական աշխատանքը իրականում փուչիկ է, վերը նշված պաշտոնյաները ՕԳԳ-ն էլ՝ զրո:

Հայաստանի ամենաշատ ինքնափիառված պաշտոնյան թերևս էկոնոմիկայի նախարար Վահան Քերոբյանն է: Ինչ արժեն միայն վերջինիս կողմից պարբերաբար հանրության դատին ներկայացվող սոց.ցանցային գրառումները, որտեղ նա ներկայացնում է իր ձեռքբերումները նախարարի պաշտոնում, հատկապես հորդացող ներդրումները: Սակայն, երբ ասուլիսի ժամանակ լրագրողները խնդրում են Քերոբյանին բերել գեթ մեկ հորդացած ներդրումի օրինակ՝ նախարարաը փորձում է խուսափել այդ հարցին հստակ պատասխան տալուց:

Ինքնափիառվող երկրորդ պաշտոնյան Արսեն Թորոսյանն է: Վերջինս անչափ շատ էր սիրում հայտնվել տեսախցիկների առջև, երբ նախարար էր, սակայն, այսօր էլ լինելով շարքային պատգամավոր, Թորոսյանը չի զլանում պարբերաբար այդ նույն տեսախցիկների առջև այցելել մարզեր և նույնիսկ քար նետել՝ առողջապահության գործող նախարար Անահիտ Ավանեսյանի այգին` ակնարկելով, որ ինքը շատ ավելի լավ նախարար էր, քան վերջինս: 

Վերջին շրջանում անզուսպ ինքնափիառով է զբաղված պատգամավոր Արեն Մկրտչյանը, ով Ալավերդու քաղաքապետի ՔՊ թեկնածուն է: Վերջինս ընդհանրապես մոռացել է իր օրենսդրական գործունեության մասին, այն մասին, որ դեռ գործող պատգամավոր է և ունի որոշակի պարտականություններ իրենց ԱԺ բերած քաղաքացիների հանդեպ: Մկրտչյանը պարզապես դուրս չի գալիս Ալավերդիից, իսկ նրա գրառումներից կարելի է տպավորություն ստանալ, որ ՔՊ-ականը արդեն իսկ գործող քաղաքապետ է, ոչ թե պարզապես թեկնածու:

Ինքնափիառի մեկ այլ մեծագույն վարպետ էլ Երևանի քաղաքապետ Հրաչյա Սարգսյանն է. վերջինիս տրանսպորտային ռեֆորմը, մետրոյի նոր կայարանի կառուցումը այդպես էլ մնացին չիրականացված. կամ այսպես ասած՝ մասամբ իրականացված, մինչդեռ Հրաչյա Սարգսյանին դա չի խանգարում իրեն դիրքավորել, իբրև շատ ավելի հաջող աշխատող քաղաքապետ, քան իր նախորդն էր: Սարգսյանը անգամ ֆեյսբուքյան էջն էր գովազդում և հետևորդներ հավաքում` ըստ էության գովազդելով իր անձը և ոչ թե իր կատարած աշխատանքը:

Սեփական փիառով, սակայն, մյուս բոլոր պաշտոնյաներին ստվերում է վարչապետ Նիկոլ Փաշինյանը: Ավելորդ է նշել, որ թե կառավարության նիստերը, թե վերջինիս ֆեյսբուքյան պաշտոնական էջը, որտեղ նա, ի դեպ, վերջերս նկատելիորեն պասիվացել է, վկայում են հենց այդ մասին: Ընդ որում, ակնհայտ է, որ Փաշինյանի  գլխավոր նպատակը այս դեպքում երկրում կատարվող բոլոր դրական փոփոխություններն իրեն վերագրելն է: Իսկ երբ խոսքը գնում է ձախողումների մասին, նա գլխավոր պատասխանատուն է, սակայն՝ ոչ գլխավոր մեղավորը:

Ինչպես տեսնում ենք՝ հայաստանյան պաշտոնյաների մեջ մեծ թիվ են կազմում այնպիսիք, որոնց կատարած աշխատանքի արդյունավետությանը հասարակությունն այդպես էլ ականատես չի լինում, փոխարենը զմայլվում է վերջիններիս անզուսպ և ինքնամոռաց ինքնափիառով...

Այս թեմայով Փաշինյանի և Ալիևի հնարավոր հանդիպման հարցը կախված է բացառապես նրանցից․ Լավրով Ցավալի է, որ խորանի առջևից հետևում է Ամենայն Հայոց դավաճանը՝ մարդ, ում «ջանքերով» պղծվել են տասնյակ ու տասնյակ օծյալ խորաններ. Ռուբեն Մելիքյան Թղթի կտորի վրա Ալիևի ստորագրության համար Փաշինյանը պատրաստ է միջանցք տալ. Արթուր Խաչատրյան Նիկոլ Փաշինյանն ու Աննա Հակոբյանը թիկնապահների ուղեկցությամբ մտան Մայր Տաճար. (տեսանյութ) Թղթի կտորի վրա Ալիևի ստորագրության համար Փաշինյանը պատրաստ է միջանցք տալ. Արթուր Խաչատրյան