Լոպեսի և Աֆլեքի հարսանիքը վտանգված է

Բեն Աֆլեքի մայրը՝ Քրիստոֆեր Էն Բոլդը, հոսպիտալացվել է նավամատույցից ընկնելու պատճառով։ Այս մասին հայտնում է Daily Mail-ը։

Անցած ուրբաթ օրը՝ օգոստոսի 19-ին, Բեն Աֆլեքի մայրը՝ Քրիստոֆեր Էն Բոլդը, սայթաքել և ընկել է նավամատույցից՝ Ռայզբորոյում (Ջորջիա, ԱՄՆ) իր որդու կալվածքի շուրջ երեկոյան զբոսանքի ժամանակ: Դերասանը շտապօգնություն է կանչել, որը նրան շտապ տեղափոխել է Սավանայի հիվանդանոց։ Աֆլեքն ու Լոպեսը նույնպես մեկնել են հիվանդանոց։ Չնայած այն հանգամանքին, որ վնասվածքը լուրջ չի եղել, կինը ստիպված է եղել մնալ հիվանդանոցում՝ բժիշկների հսկողության ներքո։

Քրիստոֆեր Էն Բոլդտը հոսպիտալացվել է որդու հարսանիքի նախորդ օրը։ Բեն Աֆլեքն ու Ջենիֆեր Լոպեսը արարողությունը պլանավորել էին շաբաթ օրը։ Միջոցառումը պետք է վարեին Քոլին Քաուին, ում ծառայություններն արժեն մինչև 25 միլիոն դոլար, և ամերիկացի հայտնի գրող, անձնական աճի մարզիչ և հինդուիստ վանական Ջեյ Շեթին:

Հայտնի է, որ Բեն Աֆլեքի նախկին կինը՝ Ջենիֆեր Գարները, մերժել է դերասանի և Ջենիֆեր Լոպեսի հարսանիքին մասնակցելու հրավերը։