Հայտնի է՝ ինչ հարցեր կքննարկվեն Թուրքիայի կառավարության այսօրվա նիստում, որից հետո Էրդողանը հանդես կգա կոչով
Թուրքիա
Թուրքիայի նախագահ Թայիփ Էրդողանը երկուշաբթի օրը կաբինետի հետ կքննարկի ՌԴ նախագահ Վլադիմիր Պուտինի և Վոլոդիմիր Զելենսկու հետ իր բանակցությունների մանրամասները, հայտնում է TRT Haber պետական հեռուստաալիքը։
Էրդողանը ավելի վաղ Սոչիում բանակցություններ է վարել Ռուսաստանի ղեկավարի, իսկ Լվովում՝ Զելենսկու հետ։
«Նախարարների կաբինետն այսօր հանդիպում է Բեշթեփեում»,- հաղորդում է հեռուստաալիքը՝ նշելով, որ Էրդողանի նախագահությամբ կայանալիք հանդիպմանը կքննարկվեն ռուս-ուկրաինական հակամարտությունն ու «հացահատիկային միջանցքը»։ «Կքննարկվեն նաև տնտեսության մեջ տեղի ունեցող իրադարձությունները և հակաահաբեկչական գործողությունների վերջին իրավիճակը: Կքննարկվեն Էրդողանի բանակցությունները Պուտինի և Զելենսկու հետ»,- ասվում է հաղորդագրության մեջ։
Հստակեցվում է, որ առաջին պլանում թեմաներից մեկը լինելու է տնտեսությունը։ «Քննարկվելու են թանկացումները կանխելու և գնաճի դեմ պայքարի հարցերը: Կառավարության նիստում գնահատական կտրվի Հյուսիսային Իրաքում և Սիրիայում հակաահաբեկչական գործողություններին, Իսրայելի հետ հարաբերությունների կարգավորման գործընթացը և Արևելյան Միջերկրական ծովում զարգացումները: Հանդիպումից հետո նախագահ Էրդողանը հանդես կգա կոչով»,-հայտնել է հեռուստաալիքը:
Ամենադիտված 
«Դե գնա․․․»․ ռուս հաղորդավարուհու արձագանքը՝ Ռուսաստանին ուղղված Ալիևի պահանջներին (տեսանյութ)
