Մասկը հայտնել է՝ որքան կարժենա Tesla-ի «ամբողջական ավտոպիլոտ» ֆունկցիան

Հյուսիսային Ամերիկայից եկած հաճախորդների համար Tesla ավտոմեքենաների լիարժեք «ամբողջական ավտոպիլոտ» ֆունկցիան 2022 թվականի սեպտեմբերի 5-ից կաճի 3000 դոլարով՝ ներկայիս 12000 դոլարից հասնելով 15000 դոլարի, այս մասին իր Twitter-ում հայտնել է գործադիր տնօրեն Իլոն Մասկը։

Ընթացիկ գինը կգործի մինչև սեպտեմբերի 5-ը կատարված, բայց ավելի ուշ առաքված պատվերների համար:

Tesla-ի կողմից Full Self-Driving (FSD) անվան օգտագործումը քննադատության է ենթարկվել, քանի որ այս հատկանիշները պահանջում են ակտիվ կառավարում և ավտոմեքենաները չեն դարձնում ինքնավար: ԱՄՆ-ի ավտոճանապարհների երթեւեկության անվտանգության ազգային վարչությունը նույնպես երկու առանձին հետաքննություն է սկսել «ավտոպիլոտի» անսարքության վերաբերյալ: