Չեմ զղջում. Քիմ Քարդաշյանի վրա հարձակված ավազակը խոսել է դեպքի մանրամասների մասին

2016 թվականին Փարիզի Նորաձևության շաբաթվա ընթացքում Քիմ Քարդաշյանի վրա հարձակված տասներկու կողոպտիչներից մեկն ասել է, որ չի զղջում իր արածի համար։  

Յունիս Աբաս անունով ավազակներից մեկի խոսքով՝ Քիմ Քարդաշյանին թալանելու գաղափարը նրա մոտ եղել է, քանի որ նա անընդհատ ցուցադրում էր իր հարստությունը սոցիալական ցանցերում և մանրամասն խոսում իր ծրագրերի մասին։ Նա խոստովանել է, որ չգիտեր, թե ով է նա, բայց մի անգամ տեսել է Keeping Up with the Kardashians հեռուստաշոուի մի դրվագ, որտեղ աստղը ադամանդե մատանին նետել է լողավազանի մեջ:

«Քանի որ նա փողը շպրտում է, ես եկել եմ՝ վերցնելու, վերջ: Արդյո՞ք ես ինձ մեղավոր եմ զգում: Ոչ, ինձ համար միևնույն է»,- ժպտալով ասել է Յունիս Աբասը։

Նա հավելել է, որ հայտնիները պետք է զգույշ լինեն իրենց հարստությունը ցուցադրելու հարցում։

«Նրանք պետք է ավելի քիչ ցուցադրվեն այն մարդկանց առջև, ովքեր չեն կարող դա իրենց թույլ տալ: Ոմանց դա կարող է հանցագործությունների հրահրել»,- ասել է Աբասը:

Կողոպտիչը պատմել է նաև այն մասին, որ երբ ինքը «կոլեգաների» հետ եկել է փարիզյան հյուրանոց, որտեղ գտնվում էր Քիմ Քարդաշյանը Նորաձևության շաբաթվա ընթացքում և դռնապանից պահանջել է իրենց տալ սենյակի բանալիները, հեռուստաաստղի օգնականը փորձել է զանգահարել ոստիկանություն։

Կողոպուտը տեղի է ունեցել Փարիզում՝ 2016 թվականի աշնանը, այնուհետև հանցագործները գողացել են 10 միլիոն դոլար արժողությամբ զարդեր։ Երբ հանցագործությունը բացահայտվել է, պարզվել է, որ այն կատարել է 60-70 տարեկան տղամարդկանց բանդա, ինչի պատճառով էլ ֆրանսիական մամուլը նրանց անվանել է «հին ավազակներ»։