Լեհաստանը դեմ է ԵՄ-ում Գերմանիայի առաջնորդական հավակնություններին
Համաշխարհային Մամուլ
Եվրամիությունը կարիք ունի ոչ թե Գերմանիայի ղեկավարության, այլ ԵՄ-ում որոշումների կայացման հարցում այս երկրի հավակնությունների ինքնազսպման։ Այս մասին հայտարարել է Լեհաստանի արտգործնախարար Զբիգնև Ռաուն, հայտնում է Rzeczpospolita-ն։
Ռաուն հիշեցրել է Գերմանիայի կանցլեր Օլաֆ Շոլցի խոսքերը, ով խոսել է ԵՄ-ն ամրապնդելու անհրաժեշտության մասին՝ ընդլայնելով ձայների մեծամասնությամբ ընդունված որոշումների շրջանակը և հրաժարվելով վետոյի իրավունքից։ Լեհաստանի ԱԳՆ ղեկավարի կարծիքով՝ պայմանների ստեղծումը Գերմանիայի կողմից ԵՄ-ում լիդերության փաստացի ընդունման համար միայն կվատթարացնի իրավիճակը Եվրադաշինքի երկրների ազատության և իրավահավասարության բացակայության դեպքում։
«Եթե գերմանական առաջարկը պետք է ծառայի ԵՄ-ին իմպերիալիզմից պաշտպանելուն, որի համար Գերմանիան պատասխանատու է զգում, ապա ԵՄ-ին պետք է ոչ թե գերմանական ղեկավարություն, այլ գերմանական ինքնազսպում»,- ասել է Ռաուն։ Նա հավելել է, որ ինստիտուցիոնալ բաժանումը մի կողմից փոքր ու միջին պետությունների, մյուս կողմից՝ խոշոր ու մեծերի, կհանգեցնի մեկի՝ մյուսի նկատմամբ համակարգային գերակայության։ Մյուս կողմից, Վարշավան դեմ է այն իրավիճակին, երբ խոշոր երկրները կարող են իրենց ազգային շահերը փոխանցել՝ որպես ԵՄ բոլոր երկրների դիրքորոշում:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
