Սիրիայի ԱԳՆ-ն ուղերձ է հղել ՄԱԿ-ի ԱԽ-ին

Սիրիայի ԱԳՆ-ն ՄԱԿ-ի Գլխավոր ասամբելայի գլխավոր քարտուղարին ուղերձ է հղել, որում հաստատում է, որ վերջին ժամանակներս մի շարք պետությունների, այդ թվում՝ Սաուդյան Արաբիայի, Թուրքիայի և Քաթարի կողմից Սիրիայի ապստամբական զինված խմբավորումներին ֆինանսավորելու նոր ապացույցներ են հայտնվել, ինչը զրոյի է հավասարեցնում Սիրիայի ճգնաժամը կարգավորելու կառավարության ջանքերը. փոխանցում է Սանա սիրիական տեղեկատվական գործակալությունը:

Ուղերձը նշում է, որ Թուրքիայի, Սաուդյան Արաբիայի և Քաթարի պաշտոնական հայտարարություններում պարբերաբար Սիրիայի գրոհայիններին և ահաբեկիչներին աջակցելու կոչեր են հնչում:

«Գնալով ավելի շատ տեղեկություններ ենք ստանում այն մասին, որ Սաուդյան Արաբիան և Քաթարը թուրքական Ադանա քաղաքի միջոցով, որտեղ տեղակայված է տարածաշրջանում ամերիկյան ամենախոշոր ռազմաբազան, սիրիական ընդդիմությանը զենք է մատակարարում: Նման մատակարարումները հնարավոր չեն՝ առանց ամերիկյան իշխանությունների համաձայնության:

Ամենասարսափելին այն է, որ մենք տեղեկություններ ունենք այն մասին, որ Սաուդյան Արաբիայի և Թուրքիայի որոշ ներկայացուցիչներ համաձայնության են եկել Ալ Քաիդայի հետ Սիրիայի գրոհայիններին ֆինանսավորելու հարցում»,-ասված է փաստաթղթում:

Սիրիայի արաբական հանրապետության ԱԳՆ-ն հույս է հայտնել, որ ՄԱԿ-ի ԱԽ-ն միջոցներ կձեռնարկի ահաբեկչական գործողութունները կասեցնելու ուղղությամբ որպես կառուցողական ներդրում անվտանգության ապահաովման համար ոչ միայն Սիրիայում և Մերձավոր Արևելքում, այլև ողջ աշխարհում: