Կառավարությունը դեմ է ընտրությունների որակի բարձրացմանը
Վերջին լուրեր
Երեկ Կառավարության հերթական նիստի ժամանակ մերժվեց 100% համամասնական ընտրակարգով ԱԺ ընտրություններն անցկացնելու մասին օրինագիծը։
Ավելի վաղ՝ Լուրեր.com-ի հետ զրույցի ժամանակ ԲՀԿ խոսնակ Տիգրան Ուրիխանյանը նշել էր, որ 100%-ոց ընտրակարգին աստիճանական անցումն ամրագրված է նաև ԲՀԿ նախընտրական և ընթացիկ ծրագրում։
Այսօր Լուրեր.com-ը կրկին զրուցեց Ուրիխանյանի հետ՝ ճշտելու, թե ըստ իրեն ինչու Կառավարությունը մերժեց ՀՅԴ–ի ներկայացրած օրինագիծը։
ԲՀԿ խոսնակը նշեց, որ Կառավարության տեսակետն ասել չի կարող, բայց և հավելեց, որ իրենց գնահատականով համամասնական ընտրակարգին աստիճանական անցումը կարող է նպաստել ընտրությունների որակի բարձրացմանն ու ժողովրդավարական կարգերի ամրապնդմանը։
Հ.Գ. Ըստ էության, կառավարությունը փորձում է «ատամներով պահել» ԱԺ ընտրությունների անցկացման մեծամասնական և համամասնական ընտրակարգը։ Սա նշանակում է, որ իշխող Հանրապետական կուսակցությունը վստահ չէ, որ համամասնական ընտրակարգին անցնելու դեպքում Ազգային ժողովում կարող է կազմել մեծամասնություն։
Իսկ այն հանգամանքը, որ ԱԺ համամասնական ընտրակարգին անցումը կարող է նպաստել ընտրությունների որակի բարձրացմանը, և որ Կառավարությունը մերժում է նախագիծը, թույլ է տալիս ենթադրել, որ Կառավարությունը դեմ է ընտրությունների որակի բարձրացմանը։
Գայանե Համբարձումյան
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
