ԲՀԿ խոսնակը հակադարձեց ՀՀԿ փոխնախագահին
Վերջին լուրեր
«Պարոն Օսկանյանն արդեն երկար ժամանակ «Բարգավաճ Հայաստան» կուսակցության անդամ է, և դրանով արդեն ամեն ինչ ասված է։ Ընդ որում, Օսկանյանը մեր կուսակցության առանցքային դեմքերից է»։ Այս մասին Lurer.com-ի հետ զրույցում ասաց ԱԺ ԲՀԿ խմբակցության պատգամավոր Տիգրան Ուրիխանյանը՝ ի պատասխան երեկ Առավոտ.am-ի հետ զրույցում ՀՀԿ փոխնախագահ Գալուստ Սահակյանին, ով ասել էր, թե ԱԺ-ի ԲՀԿ խմբակցության պատգամավոր Վարդան Օսկանյանին «Բարգավաճ Հայաստան» կուսակցության հետ չի կապում:
«Օսկանյանը եկվոր է, ու նրա դիրքորոշումը դեռ չի նշանակում, որ ԲՀԿ-ի դիրքորոշումն է: Եթե Օսկանյանը ԲՀԿ-ից լիներ, այն ժամանակ, երբ իշխանական շերեփը ձեռքին որոնումների մեջ էր, ԲՀԿ-ն հենց այդ ժամանակ ստեղծվեց, կարող էր այնտեղ լինել: Այդ ժամանակ ինքը ուրիշ տեղ էր»,-ասել է Սահակյանը։
Իսկ ինչ վերաբերում է Գալուստ Սահակյանի արտահայտած այն մտքին, թե Օսկանյանի դիրքորոշումը չի նույնացվում ԲՀԿ-ի դիրքորոշման է Տիգրան Ուրիխանյանը ասաց,-«Ինչ վերաբերում է Օսկանյանի արտահայտած մտքերին, ապա դրանք կարող են լինել և՛ սեփական կարծիքներ, և՛ պաշտոնական դիրքորոշումներ։ Պաշտոնական դիրքորոշումներին հասարակությունը պաշտոնապես տեղեկանում է կուսակցությունից, որոնց մասին պաշտոնապես չի հայտարարվում, ուրեմն դրանք անձնական դիրքորոշումներ են, որոնք, անշուշտ, իրենց հերթին արժանի են ուշադրության»։
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
