Մխիթարյանին կթողնեի պահեստայինների նստարանին. Վիտալի Ֆեդոտով

Ուկրաինայի առաջնության 12-րդ տուրի «Շախտյոր»-«Իլիչևեց» խաղից առաջ» «Իլիչևեց»-ի ֆուտբոլիստ Վիտալի Ֆեդոտովը խոսել է խաղի մասին, նաև անդրադարձել Հենրիկ Մխիթարյանին՝ իր կարծիքով «Շախտյոր»-ի ամենավտանգավոր խաղացողին։

Ֆուտբոլիստը նշել, որ «Շախտյորն» Ուկրաինայի առաջնության ամենաուժեղ թիմն է, սակայն դա չի խանգարի իրենց լավագույնս հանդես գալ։

- Ինչպե՞ս է «Իլիչևեց»-ը միավորներ վաստակելու ուկրաինական գրանդի հետ խաղում։

- Դժվար է ասել։ Այդ ակումբին հիմա ոչ ոք չի կարող հաղթել։ «Հանքափորները» լավ մարզավիճակում են։ Պետք է ավելի կենտրոնանանք խաղին և ներդնենք մեր ուժերի 200 տոկոսը, որպեսզի պատվով դիմակայենք այդ ակումբին։ 

- Մրցակցի կազմից ո՞ւմ դուրս չեիք բերի խաղադաշտ առաջիկա խաղում։

- Պահեստայինների նստարանին կթողնեի Հենրիկ Մխիթարյանին։ 

-Կնշե՞ք ևս երկուսին։ 

- Այդ դեպքում Հենրիկին կընկերակցեին Սրնան և Վիլիանը. մեջբերում է sport-express-ը։ 

Նշենք, որ «Շախտյոր»-«Իլիչևեց» խաղը տեղի կունենա այսօր «Դոմբաս Արենա» մարզադաշտում։