Հարավային Կորեան հարված կհասցնի Հյուսիսային Կորեայի դիրքերին թռուցիկների պատճառով

Ուրբաթ օրը Reuters գործակալությունը, հղում կատարելով Կորեայի Կենտրոնական հեռագրային գործակալությանը, հաղորդում է, որ Փհենյանը պատրաստ է «Առանց նախազգուշացնելու կոշտ հարված հասցնել» Հարավային Կորեային, եթե վերջինս շարունակի քարոզչություն պարունակող թռուցիկներ տարածել իր տարածքում:

«Եթե նման բան տեղի ունենա, մենք պատասխան կրակ ենք բաց թողելու նրանց ուղղությամբ. հայտարարել է Հարավային Կորեայի ԱԳ նախարարը:

Նախկինում հարավկորեական ակտիվիստները քանիցս կազմակերպել են քարոզչական բովանդակությամբ թռուցիկների տարածումը ԿԺԴՀ-ում՝ դրա համար օգտագործելով գազով լցված փուչիկներ: Թռուցիկներից բացի՝ փուչիկների միջոցով հարավկորեական ակտիվիստները 2012թ. հունվարին ամանորյա տոների կապակցությամբ Հյուսիսային Կորեա էին ուղարկել խմորեղենի կտորներ:

Այս հոգեբանական պատերազմը ԿԺԴՀ-ի դեմ Հարավային Կորեան սկսել է 2008-ին՝ Լի մեն Բակի իշխանության գլուխ գալուց հետո:

Քարոզչություն տարածող թռուցիկները հայտնում էին Հյուսիսային Աֆրիկայի և Մերձավոր Արևելքի հակակառավարական ցույցերի մասին և կոչ անում տապալել հյուսիսկորեական վարչակարգը: Փհենյանը պաշտոնապես զգուշացրել է Սեուլին, որ թռուցիկների տարածումը շարունակելու դեպքում Հյուսիային Կորեայի բանակը հզոր հարված կհասցնի «սադրող հարևանների դիրքերին»: