Ինչո՞ւ ԲՀԿ-ն չգտավ Բալասանյանի փոխարինողին
Վերջին լուրեր
Երեկ ավարտվեց Ավանի թիվ 1 և Գյումրու թիվ 35 ընտրատարածքներում մեծամասնական ընտրակարգով Ազգային ժողովի պատգամավորի թեկնածուների առաջադրումը։
«Բարգավաճ Հայաստան» կուսակցությունը երկու ընտրատարածքներում էլ թեկնածու չի առաջադրել: Լուրեր.com-ի հետ զրույցում ԲՀԿ խորհրդարանական խմբակցության քարտուղար Նաիրա Զոհրաբյանն ասաց, որ դա ԲՀԿ-ի քաղաքական որոշումն է եղել։
«Սա մեր որոշումն էր, Բարգավաճ Հայաստան կուսակցությունը որոշեց թիվ 1-ում և 35-ում թեկնածու չառաջադրել: Ես կարծում եմ՝ որոշումը պարզաբանման կարիք չունի, և դա մեր քաղաքական որոշումն է եղել»:
Զոհրաբյանի փոխանցմամբ՝ ԲՀԿ-ում առաջադրված թեկնածուներին սատարելու հարց չի քննարկել:
Հիշեցնենք, որ Ավանի թիվ 1 ընտրատարածքում առաջադրվել է 4 թեկնածու՝ ՀՀԿ-ից՝ Ռոբերտ Սարգսյանը, «Ժառանգություն»-ից՝ Ստյոպա Սաֆարյանը, «Սոցիալ-էկոլոգիական դաշինքի» ղեկավար Արմենակ Դովլաթյանը և ինքնաառաջադրված Էդուարդ Պետրոսյանը։
Թիվ 35 ընտրատարածքում առաջադրվել է 3 թեկնածու՝ «Սովրանո» ՍՊԸ տնօրեն Արման Սահակյանը՝ ՀՀԿ-ից, անկուսակցական Արման Խաչատրյանը և ՀՀՇ-ից՝ Մուրադ Գրիգորյանը։
Նշենք, որ ընտրություններն անցկացվելու են ս.թ դեկտեմբերի 2-ին, նախընտրական քարոզարշավը կմեկնարկի նոյեմբերի 4-ին և կավարտվի նոյեմբերի 30-ին։
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
