Միխայիլ Սաակաշվիլիի սիրուհիները (լուսանկարներ)

Վրացական հանրահայտ «Рейтинги» ամսագիրը հրապարակել է մի հոդված, որում թվարկված են այն կանանց անունները, որոնց այս կամ այն լրատվական աղբյուրները երբևէ կապել են Միխայիլ Սաակաշվիլիի անվան հետ:

Ամսագիրը նշում է, որ այն կանայք, որոնց մասին խոսք է եղել, այս պահին կամ անհասանելի են, կամ հրաժարվում են մեկնաբանությունենր տալ:

Ցուցակը բացում է Սաակաշվիլիի համադասարանցի Իի Պարուլավան: Այնուհետև, ինչպես նշում է «Рейтинги»-ն, Սաակաշվիլիի սիրելին դարձել է նրա նախկին մամլո խոսնակ Ալանա Գագլոևան, ով մինչ օրս աշխատում է վրացական պետական ապարատում:

Նշվածների թվում է նաև էկոնոմիկայի նախարար Վերոնիկա Կոբալիան, ում Սաակաշվիլին համոզել էր Կանադայից վերադառնալ Վրաստան. նշում է ամսագիրը:

Նրան հաջորդում է երգչուհի Սոֆո Նիժազարաձեն, ում հետ Սաակաշվիլին ծանոթացել է արտասահմանում: Նախկինում երգչուհին ելույթ էր ունենում Ռուսաստանում, սակայն 2008թ. պատերազմից հետո վերադարձել է հայրենիք: «Ականատեսներից մեկը, ով չցանկացավ հրապարակել իր անունը, ամսագրին պատմել է, թե ինչպես են Նիջարաձեն և Կոբալիան կռվի բռնվել նախագահի նստավայրում: Ծեծկռտուքի պատճառները հայտնի չեն, սակայն կարծում ենք, որ դա կապ ուներ նախագահի սիրելիի դերը զբաղեցնելու պայքարի հետ»,-գրում է ամսագիրը:

Ցուցակում նշված է ուկրաինացի երգչուհի Իվանա Մելայը, ով հաղորդում է վարում վրացական «Первый информационный кавказский» ռուսալեզու հեռուստաընկերությունում:

Ամսագիրը հիշեցնում է, որ նախկինում հայտնի վրացի լրագրողուհի Նանա Լեժավան հրապարակել էր տեղեկություններ այն մասին, թե ինչպես են Սաակաշվիլին և Մելայը միաժամանակ իջևանել Բաթումիի հյուրանոցներից մեկում, և որ Մելայի համար հյուրանոցային բոլոր վճարումները կատարել է Սաակաշվիլին:

Նախագահի վարչակազմից դեռևս արձագանքներ չեն հնչել այս հոդվածի կապակցությամբ:

Հիշեցնենք, որ հեռուստաաստղ Թինա Կանդելակին, ով ավելի վաղ հայտարարել էր, որ մերժել է Սաակաշվիլիի՝ իրեն արած ինտիմ մտերմության մասին առաջարկը, ավելացրել էր, որ շատ շուտով վրացի աղջիկներից շատերը կպատմեն Սաակաշվիլիի նմանատիպ հետապնդումերի մասին։