ԶԼՄ–ներում տարածված տեղեկատվությունը ճիշտ չէ. բնապահպանության նախարարություն
Վերջին լուրեր
Ալավերդի քաղաքից 1 կմ հեռավորությամբ տեղակայված «մկնդեղի գերեզմանոցում» տեղի ունեցած վթարի առնչությամբ բնապահպանական պետական տեսչության Լոռու տարածքային բաժնի աշխատակիցները «Դեբեդ» ՀԿ-ի նախագահ Ռաֆիկ Ղազինյանի հետ տեղում կատարել են ուսումնասիրություն, որի արդյունքում պարզվել է, որ «Մկնդեղի գերեզմանոց» կոչվող տարածքից դեպի ջրային ավազան արտահոսքեր չեն հայտնաբերվել, «թեժ գծով» հաղորդված ահազանգը, ինչպես նաև հեռուստաընկերություններով հեռարձակված տեղեկատվությունը չի համապատասխանում իրականությանը:
Ըստ «Դեբեդ» ՀԿ-ի նախագահի հայտարարության՝ հեռուստաընկերություններով հեռարձակված և համացանցում տեղադրված նյութերը նկարահանվել են մոտ 1 ամիս առաջ «Օրհուս» հիմնադրամի կողմից կազմակերպված միջոցառումների շրջանակում, սակայն վթարային փաստեր չեն արձանագրվել: Վերլուծական հետազոտություններ կատարելու նպատակով՝ բնապահպանական պետական տեսչության աշխատակիցների կողմից մկնդեղի գերեզմանոցի հարակից Դեբեդ գետի Մադան թաղամասից հոսող վտակից՝ գերեզմանոցի ներքևի մասից վերցվել է ջրի փորձանմուշ: Արդյունքների վերաբերյալ ՀՀ բնապահպանության նախարարության մամլո ծառայությունը լրացուցիչ հանրությանը կտեղեկացնի:
ՈՒՂԻՂ ԵԹԵՐ
Ամենադիտված 
«Վիրավորները վառվելով հիվանդանոց էին մտնում, շորերը՝ հալված, մարմիններին կպած»․ ինչ են պատմում բժիշկները պայթյունից (տեսանյութ)
