ՊԵԿ պատվիրակության աշխատանքային այցը Կիև

ՊԵԿ նախագահի առաջին տեղակալ Արթուր Աֆրիկյանի ղեկավարած պատվիրակությունը հոկտեմբերի 10-13-ը մասնակցել է ԵՄ-ի կողմից կազմակերպված՝ «Խոչընդոտների վերացում» թեմայով բարձրաստիճան համաժողովին: Համաժողովի ընթաքում քննարկվել են մաքսային ծառայությունների ձեռք բերած փորձը, ինչպես նաև Կրակովում տեղի ունեցած աշխատաժողովի ընթացքում ձեռք բերված պայմանավորվածությունների իրականացման ընթացքը:

Հանդիպման ժամանակ Արևելյան հարևանության երկրների կողմից ներկայացվել է ազգային մակարդակում մաքսային վարչարարության ռազմավարության, տեղեկատվության փոխանակման, ընդհանուր տարանցիկ ռեժիմի ընդլայնմանն ուղղված աշխատանքները և մարտահրավերները: Այնուհետև երեք աշխատանքային խմբերում շարունակվել են քննարկումները մաքսային օրենսդրությունների, պարզեցված ընթացակարգի ներդրման և զարգացման, ռիսկերի կառավարման և տեղեկատվության փոխանակման թեմաներով:

Համաժողովի արդյունքում ընդունվել է վերջնական եզրակացությունների և առաջարկությունների փաստաթուղթ, ուրվագծվել են նաև այն հիմնական ուղղությունները, որոնց շրջանակներում կիրականացվեն աշխատանքներ գալիք տարվա ընթացքում, այդ թվում՝ մաքսային վարչարարության ռազմավարությունների կատարելագործում, լիազորված տնտեսական օպերատորների համակարգի զարգացում, ռիսկերի կառավարման և մաքսանենգության դեմ պայքարում կարողությունների հզորացում: