Հայկական դիվանագիտության հերթական «ֆիասկոն» (տեսանյութ, լուսանկար)

Հոկտեմբերի 17-ին աշխատանքային այցով Բուխարեստում (Ռումինիա) գտնվող ՀՀ նախագահ, ՀՀԿ առաջնորդ Սերժ Սարգսյանը մասնակցել է Եվրոպական ժողովրդական կուսակցության համագումարին և հանդես է եկել ելույթով:

Սերժ Սարգսյանի ելույթը հասարակական բուռն քննարկումների առարկա դարձավ. եղան և՛ դրական, և՛ բացասական արձագանքներ: Բայց ելույթի բովանդակությունը չէ, որ ստիպում է ևս մեկ անգամ հիշատակել այդ միջոցառումը։

Հատկանշական է այն հանգամանքը, որ Գերմանիայի կանցլեր Անգելա Մերկելը, ի տարբերություն շատ այլ պատվիրակների, Սերժ Սարգսյանի ողջ ելույթի ընթացքում այլ բանով էր զբաղված՝ զրուցում էր, «աջ ու ձախ անում»: Հարց է առաջանում. սա կարժանանա՞ մեր դիվանագետների ուշադրությանը, թե՞ Մերկելը կարող է անել այն, ինչ ցանկանում է: Կամ արդյո՞ք Մերկելի ելույթի ընթացքում այլ նախագահներ կամ վարչապետներ իրենց թույլ կտային նման կերպ վարվել: Իսկ միգուցե Մերկելը հայերե՞ն է սովորել, որ ՀՀ նախագահին լսում էր առանց ականջակալների։

Մեր խնդիրը հարցը բարձրացնելն է, դուք մտածեք, պարոնա՛յք...