«Առավոտ». Վարդան Վարդանյանն իր և Ծառուկյանի հարաբերությունների մասին
Վերջին լուրեր
Արձագանքելով նախօրեին մամուլով տարածված այն տեղեկությանը, թե քաղաքաշինության նախկին նախարար Վարդան Վարդանյանը դժգոհ է Գագիկ Ծառուկյանից, քանզի վերջինս չի հետաքրքրվում իր անվան հետ առնչվող Ազգային գրադարանի գործով, ԲՀԿ-ական նախկին պաշտոնյան «Առավոտ»-ի հարցին ի պատասխան՝ ասաց. «Գագիկ Ծառուկյանը և ես ոչ միայն կուսակից ընկերներ ենք, այլ նաև հարազատներ, և մեր ընկերությունն ու հարազատությունը տարիներով է փորձված:
Ինչ վերաբերում է Ազգային գրադարանի հետ կապված գործին, ապա մեր պարբերական հանդիպումների ժամանակ ես մշտապես Ծառուկյանին տեղյակ եմ պահում գործի բոլոր մանրամասներին և զարգացումներին: Իսկ եթե ոմանք կարծում են, որ նման հրապարակումներով կարող են փչացնել իմ և Գագիկ Ծառուկյանի հարաբերությունները, ապա մեծապես սխալվում են: Եվ ես անչափ շնորհակալ եմ Գ. Ծառուկյանից ու իմ կուսակից ընկերներից իրենց աջակցության համար»:
Իսկ Ազգային գրադարանի մասով հարուցված քրեական գործի վերաբերյալ պարոն Վարդանյանն այս պահին չցանկացավ որևէ մեկնաբանություն տալ, քանզի գործը նախաքննության ընթացքում է: «Չէի ցանկանա, նախաքննական շահերից ելնելով, որևէ բան մեկնաբանել: Սակայն պատեհ պահի ես անպայմանորեն հանդես եմ գալու հստակ պարզաբանումներով»,- հավելեց Վարդան Վարդանյանը:
ՈՒՂԻՂ ԵԹԵՐ
Ամենադիտված 
«Լևոն արքայի» նկատմամբ որպես խափանման միջոց է ընտրվել տնային կալանքը (տեսանյութ)
