Վրաստանի ԿԸՀ-ն ամփոփել է խորհրդարանական ընտրությունների արդյունքները
Վերջին լուրեր
Վրաստանի ԿԸՀ-ը հոկտեմբերի 19-ի երեկոյան պաշտոնապես ամփոփել է հոկտեմբերի 1-ին կայացած խորհրդարանական ընտրությունների արդյունքները: ԿԸՀ-ի նիստին ստորագրվել է ընտրությունների արդյունքների ամփոփ արձանագրություն. այդ մասին новости Грузия-ին հայտնում են ԿԸՀ-ի մամլո ծառայությանից:
Համաձայն այդ արձանագրության՝ Բիձինա Իվանիշվիլիի ղեկավարած «Վրացական երազանք»-ը հավաքել է 54.97% ձայն: Նրա օգտին քվեարկել է 1 մլն. 181 հազար 863 քաղաքացի: Երկրորդ տեղում է «Միասնական ազգային շարժում»-ը, որը հավաքել է 40.34%. նրա օգտին քվեարկել է 867 հազար 432 քվեարկող:
Մյուս կուսակցությունները չեն հաղթահարել 5%-ի շեմը: Ընտրություններին մասնակցել են 2 կոալիցիա և 14 կուսակցություն: Ընտրողների մասնակցությունն ընտրություններին կազմել է 59%, դրանց մասնակցություն է ցուցաբերել 2 մլն. 150 հազար 197 քաղաքացի: Ընդհանուր առմամբ՝ ընտրացուցակներում ներգրավված է եղել 3 մլն. 613 հազար 851 քաղաքացի:
ԿԸՀ-ի վերջնական տվյալներով՝ «Վրացական երազանքը» ստանում է խորհրդարանի 150 տեղից 85-ը, «Միասնական ազգային շարժումը»՝ 65-ը:
Խորհրդարանի առաջին նիստը կկայանա հոկտեմբերի 21-ին Քութաիսիում:
ՈՒՂԻՂ ԵԹԵՐ
Ամենադիտված 
«Վիրավորները վառվելով հիվանդանոց էին մտնում, շորերը՝ հալված, մարմիններին կպած»․ ինչ են պատմում բժիշկները պայթյունից (տեսանյութ)
