Վիլյան «Բարսելոնան» կլքի ձմռանը

Կատալոնական «Բարսելոնայի» հարձակվող Դավիդ Վիլյան իր ներկայիս ակումբը կլքի ձմեռային տրանսֆերի ժամանակ. տեղեկացնում է AS-ը:

Պատճառն այն է, որ Իսպանիայի հավաքականի ֆուտբոլիստն իրեն թիմի հիմնական կազմի անդամ չի զգում:

Վիլյան չի բացառում, որ մարզչական շտաբը Տիտո Վիլանովայի գլխավորությամբ կարծում է, թե վնասվածքից հետո նա դեռ ձեռք չի բերել անհրաժեշտ մարզավիճաը: Ֆուտբոլիստը հնարավոր է համարում նաև այն, որ ինքն այլևս թիմում նույն կարևորությունը չունի, որն ուներ նախկինում: Եվ եթե վերջին տարբերակը հաստատվի, ապա Վիլյան կխոսի ակումբի գլխավոր մարզչի և «Բարսելոնայի» ղեկավարության հետ ձմեռային տրանսֆերին ակումբը լքելու մասին: