Կինը պատահաբար 12 սմ երկարությամբ դանակը խրել է իր գլուխը

Չինաստանի Լանչժոու քաղաքի բնակչուհի Ջանգ Լանը հրաշքով կենդանի է մնացել այն բանից հետո, երբ նրա գլխի մեջ պատահաբար խրվել է 12 սմ երկարությամբ դանակ:

Թոշակառու կինը, որը միայնակ է ապրում, այդ պահին զբաղվում էր տնային գործերով, երբ պատահաբար սայթաքել է և դանակը խրել իր գլուխը:

«Պատահածից հետո ես շփոթվել էի և չգիտեի ինչ անել: Որոշեցի անմիջապես զանգել մտերիմներիս և պատմել տեղի ունեցածը»,-ասում է Ջանգ Լանը:

Տարեց կնոջ ցնցված հարազատները նրան շտապ հասցրել են հիվանդանոց, որտեղ բժիշկները, սակայն, հրաժարվել են վիրահատական միջամտություն կատարել, պարզաբանելով, որ չեն կարող իրենց վրա նման վտանգավոր պատասխանատվություն վերցնել:

Միայն թվով 3-րդ հիվանդանոցում բժիշիները հանձն են առել հեռացնել դանակը կնոջ գանգից: