Որքան են տուգանվում մարմնավաճառները
Վերջին լուրեր
«Ոմանք կարծում են, որ մարմնավաճառությունը սոցիալական երևույթ է, ոմանք կարծում են, որ մարդաբանական երևույթ է, բայց ես չեմ կարծում, որ դա սոցիալական երևույթ է: Ես չեմ տեսել որևէ մարմնավաճառ, ով փորձում է գնալ այլ աշխատանքների»։ Այս մասին լրագրողների հետ հանդիպմանն ասաց ՀՀ Ոստիկանության հասարակական կարգի ապահովման վարչության պրոֆիլակտիկ հատուկ կարևոր հանձնարարություններով ավագ տեսուչ Արա Սրապյանը։
Ըստ բանախոսի՝ նախկինում մարմնավաճառության համար նախատեսված էր 1000 դրամ տուգանք, իսկ այժմ այն բարձրացվել է՝ առաջին անգամ մարմնավաճառը տուգանվում է 20 հազար դրամով, իսկ մեկ տարվա մեջ երկրորդ անգամ 40 հազար դրամով:
«Ներկա դրությամբ, փառք Աստծո, մենք անչափահասներ չունենք»,-ասաց վերջինս և հավելեց, որ մեր երկիր մարմնավաճառներ գալիս են հիմնականում Ուկրաինայից և Ռուսաստանից։
Անդրադառնալով կանխարգելման ծրագրերին՝ վերջինս նշեց, որ ոստիկանության լծակները մեծ չեն և պրոֆիլակտիկայից 100 տոկոս արդյունք չպետք է սպասել. «Փորձում ենք ազդել մարդկանց գիտակցության վրա»,- ընդգծեց Արա Սրապյանը:
Ասուլիսի մյուս բանախոսը՝ Մաշկաբանության և սեռավարակների բժշկագիտական կենտրոնի տնօրեն Գուրգեն Փորսուղյանը, նույն թեմայի շուրջ նշեց. «Ամենահին մասնագիտությունը մեր ազգին հարիր չէ, ապահասարակական երևույթ է համարվում»:
ՈՒՂԻՂ ԵԹԵՐ
Ամենադիտված 
Գագիկ Ծառուկյանից կբռնագանձվի 75 անշարժ գույք, 42 ավտոմեքենա, 105 միլիարդ 865 միլիոն 865 հազար դրամ
