Der Standard. Թուրքիան արդեն 12 սիրիացի զինվոր է սպանել
Վերջին լուրեր
Թուրք-սիրիական սահմանային գոտում լարվածությունը շատ ավելի սուր բնույթ է կրում, քան ներկայացնում են լրատվամիջոցները, հաղորդում է պարբերականը՝ հղում կատարելով թուրքական Miliyet թերթին: Թուրքկան բանակը Սիրիայի հետ սահմանային բախումների սկսվելուց ի վեր՝ ամսվա սկզբից, սպանել է 12 սիրիացի զինվոր, միաժամանակ ոչնչացրել է սիրիական զորքերի 5 տանկ և այլ ռազմական տեխնիկա: Թուրքական կողմի ձեռնարկած այս ռազմական գործողությունները պատասխան ռեակցիան է սիրիական կողմից Թուրքիային հասցված ընդհանուր առմամբ 27 հրետանային հարվածների, շարունակում է թերթը:
Ուրբաթ օրը սահմանից 100 կմ հեռավորության վրա գտնվող Ինջիրլիքի ռազմաօդային բազայում F-19 տիպի կործանիչները բերվել են մարտական պատրաստվածության: Թուրքական բանակը տեղեկացնում է, որ ինքը ապագայում առավել կոշտ միջոցների է պատրաստվում դիմել:
Հիշեցնենք, որ ՆԱՏՕ-ի անդամ Թուրքիայի և Սիրիայի Արաբական Հանրապետության միջև հարաբերությունները լարվել էին հոկտեմբերի 3-ին Սիրիայի կողմից արձակված հրետանային արկի պատճառով, որի արդյունքում թուրքական Աքչաքալ գավառում զոհվել էր 5 մարդ, ևս 11-ը վիրավորվել էր:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
