Ազգի գոյությանը սպառնացող այս ճգնաժամը հնարավոր է հաղթահարել. Ժիրայր Սեֆիլյան
Վերջին լուրեր
Ստորև ձեր ուշադրությանն ենք ներկայացնում Ժիրայր Սեֆիլյանի՝ facebook սոցցանցում արած գրառումը.
««ՍԱՐԴԱՐԱՊԱՏ ՇԱՐԺՈՒՄ»
Հայաստանի անկախացումից ի վեր ներդրված ապազգային և ոչ արդյունավետ կառավարման համակարգի գործունեությունը հանգեցրել է հայության գոյութենական ճգնաժամի: Այն սպառնում է Հայոց պետականության կորստով, Հայրենիքի հայաթափմամբ, հայրենաբնակ հայության ֆիզիկական բնաջնջմամբ, իսկ այնուհետև՝ արտերկրում բնակվող հայության արագացված ուծացմամբ:
Ազգի գոյությանը սպառնացող այս ճգնաժամը հնարավոր է հաղթահարել միայն համազգային համախմբմամբ և մասնակցությամբ: Նման գործընթացի կազմակերպումը վեր է խմբային և խավային շահեր հետապնդող և ընդամենը հատվածական խնդիրների լուծմանը միտված որևէ կուսակցական կառույցի ուժերից, ուստի առաջանում է ազգի բոլոր շերտերը ներգրավելու և գործադրելու ունակ համազգային շարժում ստեղծելու կենսական անհրաժեշտություն:
«Սարդարապատ» շարժումն այս անհրաժեշտության օրինաչափ ծնունդն է:
«Սարդարապատ» շարժման նպատակն է ստեղծել մարդու արժանապատիվ, արդար և ճշմարիտ ապրելակերպի ու ստեղծագործ զարգացման Հայաստան, դրանով իսկ նախադրյալներ ստեղծելով համազգային, առաջին հերթին՝ Ցեղասպանության բոլոր հետևանքների վերացման և Հայոց Հայրենիքը իր օրինական և միակ տիրոջը՝ Հայ ժողովրդին վերադարձնելու, խնդիրների լուծման համար։
«Սարդարապատ» շարժման հիմնարար սկզբունքներն են.
- հայաստանակենտրոնությունը,
- համահայկականությունը,
- ազգային և հասարակական համերաշխությունը,
- անհատի և հասարակության ներդաշնակ զարգացումը,
- ազգամիջյան համակեցությունը:
«Սարդարապատ» շարժումը նշված նպատակին հասնելու համար անհրաժեշտ է համարում հետևյալ առաջնային քայլերի իրականացումը.
մշակել Հայաստան պետության կայացման և թռիչքային զարգացման ռազմավարություն,
նպաստել պետականության նորոգման գործընթացի առանցքի շուրջ անկախ կուսակցական և գաղափարախոսական պատկանելությունից Հայաստանում ու արտերկրում բնակվող հայության ինքնակազմակերպմանն ու համախմբմանը և համահայկական ռազմավարական խնդիրներ լուծելու ունակ ազգային ցանցային կառույցի ստեղծմանը,
նպաստել անհատի և հասարակության՝ ազգային իղձերին ու նպատակներին միտված կրթամշակութային բարեփոխմանը՝ այն համարելով հայկական պետության ստեղծման և զարգացման հիմք:
«Սարդարապատ» շարժումը բաց է Հայաստանի բոլոր քաղաքացիների և արտերկրում բնակվող հայերի մասնակցության համար:
«Սարդարապատ» շարժման նախաձեռնող խումբ»։
ՈՒՂԻՂ ԵԹԵՐ
Ամենադիտված 
Դիրքում բռնшբшրnւթյшն դեպքը տեսած, ապա սպшնված 3 զինվորների ծնողներն արդարադատություն են պահանջում (տեսանյութ)
