Իրանը միջազգային սահմանների ոչ մի փոփոխություն չի ընդունի. Իրանի խորհրդարանի խոսնակ

Իրանի խորհրդարանի նախագահ Մոհամմադ Բաղեր Ղալիբաֆը հանդիպել է Ադրբեջանի խորհրդարանի նախագահ Սահիբա Գաֆարովայի հետ Իրանի խորհրդարանի նախագահ Մոհամմադ Բաղեր Ղալիբաֆը, Թուրքիայի խորհրդարանի խոսնակ Մուստաֆան և Ադրբեջանի խորհրդարանի նախագահ Սահիբա Գաֆարովան։ «Հարևան երկիրը՝ Ադրբեջանը, առանձնահատուկ նշանակություն ունի Իրանի Իսլամական Հանրապետության համար, և բացի երկկողմ հարաբերություններից` այդ հարաբերություններում մեծ դեր կարող է խաղալ խորհրդարանական հարաբերությունների հնարավորությունը», - հանդիպման ժամանակ ասել է Ղալիբաֆը, գրում է IRNA-ն։

«Այսօր երկու երկրները ձգտում են զարգացնել և խորացնել հարաբերությունները, և ես վստահ եմ, որ երկու երկրների պաշտոնյաները խորապես ցանկանում են զարգացնել հարաբերությունները»,-ասել է Իրանի խորհրդարանի նախագահը:

«Մենք կարող ենք լավ հարաբերություններ ունենալ միմյանց հետ տարածաշրջանային և գլոբալ ասպարեզում, և որքան մոտ են տարածաշրջանի երկրները, այնքան լավ է տարածաշրջանի համար, և մենք չպետք է թույլ տանք, որ ոչ տարածաշրջանային երկրները միջամտեն այս ոլորտում։ Մենք չենք ընդունի որևէ աշխարհաքաղաքական փոփոխություն սահմանին [կովկասյան տարածաշրջանում]», - ասել է Ղալիբաֆը:

Միաժամանակ նա հավելել է, որ հստակ դիրքորոշում ունեն Ադրբեջանի հետ հարաբերությունների զարգացման հարցում և պատրաստ են զարգացնել առևտրային և տարանցիկ փոխանակումները Ադրբեջանի հետ։

«Երկու երկրներին մերձեցնելը ոչ միայն աշխարհագրությունն ու սահմանների մերձությունն է, այլ նաև այն, որ մենք երկուսս էլ մահմեդական ենք, և Իրանի բնակչության մեծ մասը խոսում է ադրբեջաներեն»,- ի պատասխան՝ ասել է ադրբեջանցի խոսնակը։