«Ազդարարում, տարահանում, պատսպարում»

Համաձայն «Երևան քաղաքի բնակչության պաշտպանության համակարգի նախապատրաստման 2023 թվականի աշխատանքային պլանը հաստատելու մասին» որոշման՝ այսօր Երևանի Խ․Սամուելյանի անվան թիվ 47 միջնակարգ դպրոցում անցկացվեց գործնական պարապմունք՝ «Ազդարարում, տարահանում, պատսպարում» թեմայով, որի ժամանակ գործարկվեց դպրոցի էլեկտրական շչակը։

 

Հատուկ տատկտիկական ուսումնավարժության նպատակն էր ստուգել․

• ղեկավար կազմի, աշխատակիցների, ՔՊ կազմավորումների տեսական և գործնական գիտելիքների կիրառումը քաղաքացիական պաշտպանության ժամանակ,

• ղեկավար կազմի գործնական ունակությունների և հմտությունների մակարդակը,

• ստեղծված իրավիճակում գործողությունների ճիշտ կատարումը,

• ինժեներական պաշտպանությունը, ինչպես նաև դպրոցի բնականոն գործունեության կայունությունը՝ էլեկտրամատակարարումը, ջրամատակարարումը,

• կառավարման, կապի և ազդարարման համակարգի պատրաստականությունը։

Համաձայն սցենարի հայտարարվեց օդային տագնապ, գործարկվեց շչակը, դպրոցի անձնակազմը և աշակերտներն անմիջապես տարահանվեցին և պատսպարվեցին դպրոցի թաքստոցում։

 

Ընդհանուր հետախուզությունից հետո ՔՊ կազմավորումները հայտաբերեցին և անվտանգ տարածք տեղափոխեցին պայմանական 1 տուժածի, ում առաջին բուժօգնության խումբը տեղում ցուցաբերեց համապատասխան օգնություն։

 

Ըստ պլանի՝ ուսումնավարժության ընթացքում գործեցին հետախուզական-տեխնիկական, հասարակական կարգի պահպանման, բժշկական, հակահրդեհային, հետախուզական-փրկարարական կազմավորումները։ Սահմանված ժամին հայտարարվեց ուսումնավարժության ավարտ, վեր հանվեցին թերությունները և ամփոփվեցին արդյունքները։ Ուսուցչական անձնակազմին տրվեցին մասնագիտական խորհուրդներ:

 

Ուսումնավարժությանը մասնակցում էին Երևան քաղաքի փրկարարական վարչության և Էրեբունի վարչական շրջանի ղեկավարի աշխատակազմի մասնագետները։