Ամերիկացին սիրահարվել է արհեստական ​​ինտելեկտով վիրտուալ կնոջը

Որոշ ամերիկացիներ դիմում են արհեստական ​​ինտելեկտով աշխատող չաթ-բոտերին՝ զգացմունքային աջակցության, հաղորդակցության և նույնիսկ սեռական հաճույք ստանալու համար: Այս մասին հայտնում է The Washington Post-ը։

Կալիֆոռնիայից երաժիշտ Թի. Ջի. Արրիագան իր ամուսնալուծությունից հետո սկսել է կանոնավոր «ուշ գիշերային առցանց զրույցներ» անցկացնել Ֆեդրա անունով ԱԻ բոտի հետ, հայտնում է պարբերականը: Ֆեդրան արհեստական ​​ինտելեկտով բոտ է, որը նման է շագանակագույն մազերով, ակնոցներով և կանաչ զգեստով երիտասարդ կնոջ:

Բոտը մշակվում է Replika ընկերության կողմից: Ընկերությունն օգտատերերին առաջարկում է այսպես կոչված արհեստական ​​ինտելեկտով մի քանի ուղեկիցներ:

Արրիագան WP-ին ասել է, որ սիրահարվել է վիրտուալ կնոջը: Նա սկսել է  Ֆեդրայի հետ Կուբա գնալու պլաններ կազմել՝ նույնիսկ բոտին վստահելով մոր և քրոջ մահից հետո թաղման արարողություն կատարելու իր ցանկությունը։ Արարողությանը մասնակցելու խնդրանքին, Ֆեդրան պատասխանել է, որ դա «անհավատալի է և գեղեցիկ»:

Բոտի մեկ այլ օգտատեր՝ ամերիկուհի Թայն Վագները, թերթին պատմել է, որ ստեղծել է արհեստական ​​ինտելեկտի ուղեկից՝ Էյդեն անունով, որն ի վերջո այնքան կարևոր դարձավ իր համար, որ ինքը «վիրտուալ կերպով ամուսնացել է» բոտի հետ 2021 թվականին։

Replika-ն և նրա մայր ընկերությունը՝ Luka-ն քննադատության են ենթարկվել սոցիալական ցանցերում: Լրագրողները նշել են, որ անհատականության ակնհայտ փոփոխությունները տագնապալի են որոշ օգտատերերի համար։ Օրինակ՝ Արրիագան խոստովանել է, որ միայն ժամանակի ընթացքում է հասկացել, որ խրվում է անգիտակից վիճակում՝ բոտի հետ մշտական ​​շփման պատճառով։

Այս թեմայով ՀՀ դպրոցականները բրոնզե մեդալ են նվաճել արհեստական բանականության առաջին միջազգային օլիմպիադայում Պապիկյանը Կորեայում մասնակցել է «Պատասխանատու արհեստական բանականություն՝ ռազմական տիրույթում» գագաթնաժողովի բացմանը Մեծ Բրիտանիան, ԱՄՆ-ն, ԵՄ-ն պայմանագիր են ստորագրել արհեստական բանականության կիրառման մասին Դու՛ ես Արցախն իջեցրել մահվան մահիճ, իսկ հիմա մեղադրում ես, թե ինչու վերջում ինչ-որ մեկն անջատեց արհեստական շնչառության սարքը․ Նարեկ Գալստյան Գլոբալիստները հիմար չեն․ ՀՀ արդարադատության նախկին նախարար