Ջիջի Հադիդն առաջին անգամ այցելել է Հնդկաստան և հանրությանը ներկայացել սարիով
Ժամանց
Սուպերմոդել Ջիջի Հադիդն առաջին անգամ այցելել է Հնդկաստան. նա դարձել է Նիտա Մուկեշ Ամբանիի մշակութային կենտրոնի բացման կապակցությամբ կազմակերպված երեկոյի հյուր։ Այս մասին հայտնում է PTC Punjabi-ն։
Այն, որ նա առաջին անգամ է այցելում երկիր, Ջիջի Հադիդը հայտարարել է սոցցանցերում:
«Անմոռանալի առաջին ուղևորություն` Հնդկաստան: Պաշտում եմ»,- գրել է մոդելը։
Նա շնորհակալություն է հայտնել Ամբանիի ընտանիքին իրեն ընդունելությանը հրավիրելու համար և հավել է. «Պատիվ էր ներկա գտնվել և ականատես լինել, որ ձեր ընտանիքի երազանքներն իրականանում են համաշխարհային կարգի գեղեցիկ մշակութային կենտրոնում»:
Երկօրյա միջոցառմանը Ջիջի Հադիդը ներկայացել է հնդկական հանդերձանքով։ Նա կրել է ասեղնագործ ոսկե տոպով սպիտակ սարի, որը ստեղծվել է հայտնի արհեստավորների՝ Աբու Ջանիի և Սանդիպ Կոսլայի կողմից։ Կերպարը համալրվել է ադամանդներով պատված մեծ ականջօղերով և բազմաթիվ ապարանջաններով։
ՈՒՂԻՂ ԵԹԵՐ
Ամենադիտված 
«Անցած գիշեր Գյումրիի երկնքում բնակիչները ֆիքսել են այսպիսի լուսին». Գագիկ Սուրենյան (տեսանյութ)
