Հերիք է թուրք-ադրբեջանական շահերը սպասարկող օպերացիան բարդեք ժողովրդի վրա. Շարմազանով

ՔՊ-ն խիստ վիրավորվել է, երբ 2018-ի «թավշյա հեղափոխություն» կոչվածն անվանում են թուրք-ադրբեջանական իշխանազավթում։ Թե բա ինչպե՞ս կարելի է նման որակում տալ մի գործընթացի, որը ժողովուրդն է արել։ Նախ, որեւէ «գունավոր հեղափոխության» հեղինակ ժողովուրդը լինել չի կարող։ Դրա նախաձեռնողներից մեկը՝ Բոլթոնը, 2018-ին եկավ Հայաստան ու ձեր Նիկոլին հրահանգեց «հրաժարվել պատմական կաղապարներից», ինչն էլ վերջինս սրբորեն իրագործում է։ Այս մասին տելեգրամի իր ալիքում գրել է ՀՀԿ ԳՄ անդամ, ԱԺ նախկին փոխնախագահ Էդուարդ Շարմազանովը։

«Երկրորդ.Դեռեւս 2018-ի հուլիսին Փաշինյանի «կառուցողական գործընկեր» Ալիեւն է հայտարարել,որ Ադրբեջանն ունեցել է իր ներդրումը Սերժ Սարգսյանի իշխանությունը տապալման գործում։

Սրանից էլ լա՞վ փաստ։

Երրորդ.2018-ի աշնանը ձեր ամենաինտելեկտուալ ու բազմափորձ ներկայացուցիչներից մեկը հայտարարեց,որ 2018-ի «հեղափոխությունը» Արցախյան շարժումից կարեւոր էր։