Ամաններ լվացող չինուհին աշխատանքի է գնում Bentley-ով

Ամաններ լվացող չինուհին Bentley-ով գնում է աշխատանքի և ասում, որ ընտրել է այդ աշխատանքը, քանի որ ձանձրանում է տանը, գրում է Mothership-ը:

ԶԼՄ-ների տվյալներով՝ կինն աշխատում է Սիչուան նահանգի ռեստորանում։ Ամեն օր Բենթլիով անձնական վարորդը նրան տանում է հաստատության մոտ: Հաղորդվում է, որ կինը շատ հարուստ է, բայց աշխատում է որպես ամաններ լվացող` «ժամանակ սպանելու համար»:

«Տանը շատ ձանձրալի է, և ես ինձ անհարմար եմ զգում, եթե օրվա ընթացքում սպասք չեմ լվանում», - խոստովանել է նա:

Այն բանից հետո, երբ սոցցանցերում տարածվեցին շքեղ մեքենայից իջնող չինուհու կադրերը, օգտատերերը սկսեցին կատակել: Մարդիկ ենթադրում էին, որ ռեստորանի տերը, հավանաբար, այնտեղի ամենաաղքատ աշխատողն է։ Այնուամենայնիվ, շատ մեկնաբաններ գովել են կնոջն իր քրտնաջան աշխատանքի համար։