Ճապոնացի հայտնի ճարտարապետ Թադաո Անդոն Քիմ Քարդաշյանի համար տուն է կառուցում

Քիմ Քարդաշյանը հայտնել է, որ արդեն երկու տարի է, ինչ աշխատում է ճապոնացի ճարտարապետ Թադաո Անդոյի հետ «երազանքի նախագծի» վրա։ Այդ մասին գրում է Daily Mail-ը։

«Հանդիպել եմ անձամբ վարպետ Թադաո Անդոյի հետ՝ վերանայելու և քննարկելու իմ երազանքի նախագիծը, որի վրա աշխատել ենք վերջին երկու տարիներին»,- ասել է ռեալիթի շոուի աստղը։

81-ամյա Թադաո Անդոն համարվում է Ճապոնիայի ամենահայտնի ճարտարապետը և ամբողջ աշխարհում հայտնի է իր մինիմալիստական ​​բետոնե շենքերով։

 «Ես այցելեցի Ճապոնիայում գտնվող նրա գրասենյակը, որպեսզի կարողանանք անել վերջին շտրիխները` նախքան հիմքը դնելը: Ինձ համար մեծ պատիվ է աշխատել նրա հետ և վերջապես տեսնել այս հատուկ նախագծի կյանքի կոչումը», հավելել է Քիմ Քարդաշյանը:

Աստղի նոր տունը կկառուցվի Կալիֆորնիայի Փալմ Սփրինգս քաղաքում։