Բրիտանիայում բուժել են ալկոհոլ օգտագործած շանը

Մեծ Բրիտանիայում բուժել են ալկոհոլիզմով տառապող շանը: Այդ մասին գրում է The Telegraph-ը։

Երկու շներ տիրոջ մահից հետո հայտնվել են թափառող շների ապաստարանում: Անասնաբույժներն անմիջապես ուշադրություն են դարձրել շների մոտ ցնցումների վրա և պարզել, որ կենդանիները տառապում են ալկոհոլային զրկանքի համախտանիշից։

Շներից մեկն ի վերջո սատկել է, իսկ երկու տարեկան լաբրադոր Կոկոն փրկվել է։ Ցնցումներից ազատվելու համար կենդանին մեկ ամիս անցկացրել է բժշկական կոմայի մեջ։

Ավելի ուշ հայտնի դարձավ, որ շները խմել են սեղանին մնացած ալկոհոլը, երբ նրանց տերը գնացել է քնելու։

Շների և կատուների օրգանիզմը հարմարեցված չէ ալկոհոլի վերամշակմանը, և դրա օգտագործումը, նույնիսկ փոքր չափաբաժիններով, առաջացնում է ծանր թունավորումներ։