ՀՀ-ում Հարավային ռազմական օկրուգի օդաչուները ոչնչացրել են պայմանական հակառակորդի օդային թիրախները

Հարավային ռազմական օկրուգի (ՀՌՕ) ռազմակայանի հակաօդային պաշտպանության (ՀՕՊ) եւ ռադիոէլեկտրոնային պայքարի (ՌԷՊ) ստորաբաժանումների զինծառայողները Հայաստանում ճնշել եւ ոչնչացրել են պայմանական հակառակորդի հետախուզական եւ հարվածային դրոնները։ Այս մասին տեղեկացրել է ՀՌՕ-ի մամուլի ծառայությունը։

ՄիԳ 29 բազմանպատակային կործանիչների օդաչուները մարտական ուսումնական թռիչքների ժամանակ իրականացրել են օդային մարտերի վարման հնարքներ, որսացել և ոչնչացրել են օդաչուավոր և անօդաչու մեքենաներ, ինչպես նաև խուսափել են պայմանական հակառակորդի ինքնաթիռների հարձակումից։

Նաև հսկիչ ստուգման ընթացքում հատուկ ուշադրություն է դարձվել օդաչուների աշխատանքին` համագործակցելով թռիչքների կառավարման խմբերի և թռիչքային հերթափոխ ապահովող ստորաբաժանումների հետ։

Հարավային ռազմական օկրուգի ավելի քան 130 զինծառայող ներգրավվել է մարտական ուսումնական թռիչքներում, ներգրավվել է շուրջ 25 միավոր ռազմական և հատուկ տեխնիկա, այդ թվում՝ ՄիԳ 29 բազմաֆունկցիոնալ կործանիչներ։