Պենտագոնում քննարկվել են ադրբեջանցի ռազմական օդաչուների պատրաստման հարցեր

ԱՄՆ-ում այցով գտնվող Ադրբեջանի պաշտպանության փոխնախարար, ռազմաօդային ուժերի հրամանատար, գեներալ-լեյտենանտ Ռամիզ Թաիրովը հանդիպել է ԱՄՆ Ազգային գվարդիայի բյուրոյի պետի տեղակալ, գեներալ-լեյտենանտ Մարկ Սասևիլի հետ։

Ինչպես հայտնել են Ադրբեջանի ՊՆ-ից, հանդիպմանը, որը տեղի է ունեցել ԱՄՆ-ում Ադրբեջանի դեսպան Խազար Իբրահիմի մասնակցությամբ, կողմերը մտքեր են փոխանակել «Նահանգների հետ գործընկերության ծրագրերի» շրջանակում ռազմական համագործակցության ներկա վիճակի, այս ուղղությամբ աշխատանքների հետագա զարգացման, ռազմական օդաչուների պատրաստման և փոխադարձ հետաքրքրություն ներկայացնող այլ հարցերի շուրջ։